Configurar as interfaces de rede en Linux

De Wiki do Pazo da Mercé

Configurar a interfaz de rede coa ferramenta da distribución

Para configurar unha interface de rede nun sistema Linux debemos seguir os seguintes pasos:

• Instalar o controlador da tarxeta: O núcleo de Linux debe recoñecer tarxeta de rede física instalada no sistema. Os controladores de dispositivos en Linux se recoñecen con módulos software que se engaden no núcleo. Normalmente, Linux recoñecerá automaticamente a tarxeta de rede; senón, deberiamos configurala coa ferramenta de administración da distribución.
• Asignarlle á interface de rede unha dirección IP.
• Asignarlle á interface unha máscara de rede.
• Se queremos acceder a equipos que están fora da nosa rede local, teremos que establecer unha porta de enlace por defecto.

O máis sinxelo será configurar a interfaz de rede coa ferramenta que nos ofrece a propia distribución:

Configuración dunha interfaz de rede en Ubuntu

Configuración dunha interfaz de rede en Mandriva

Unha vez configurada a interfaz de rede, poderemos comprobar a conexión do equipo utilizando un comando de testeo como ping.

Configurar a interfaz de rede co webmin

Tamén podemos instalar o servizo webmin que ofrece un interfaz web para administrar sistemas Unix e Linux:

Instalación do webmin en Ubuntu

Instalación do webmin en Mandriva

Dado que o webmin é un servizo, unha vez instalado deberemos arrancalo se é necesario para poder utilizalo.

Accederemos ao webmin introducindo no navegador a dirección https://localhost:10000. É posible que o navegador non acepte en principio o certificado dixital do webmin, xa que non é un certificado válido, así que teremos que indicarlle que o acepte.

Esta aplicación contén un bó número de aplicacións para xestionar distintos servizos e características do sistema operativo agrupadas en categorías.

No primeiro acceso ao webmin convén personalizar a interfaz e o idioma segundo as nosas preferencias:

Configuración inicial do webmin en Ubuntu

Configuración inicial do webmin en Mandriva

Vexamos como podemos configurar un interfaz de rede utilizando o webmin:

Configuración da interfaz de rede con webmin

Tamén podemos configurar varias direccións IP para unha mesma interfaz de rede:

Configuración de varias IPs sobre a mesma interfaz de rede con webmin

Configurar a interfaz de rede con comandos e ficheiros de configuración

Para asignar a dirección IP e a máscara de rede a unha interfaz de rede podemos usar o comando ifconfig:

ifconfig ethX 172.16.0.25 netmask 255.255.0.0 up

Con isto pola interface ethX de rede debemos de ter acceso á rede local. Sen embargo, non poderemos acceder aínda a equipos fóra desta rede. Para iso debemos, en primeiro lugar, establecer cal é a dirección da porta de enlace que nos une co exterior. Utilizaremos o comando route:

route add default gw 172.16.0.1 ethX

Así, executando estes comandos podemos modificar a configuración actual das interfaces de rede do equipo, pero esta configuración non se manterá se se reinicia o equipo ou o servizo de rede. ¿Como se consegue entón que os cambios realizados nas ferramentas das distribucións ou co webmin si perduren despois de apagar o equipo? O que fan estas ferramentas é gardar os datos en ficheiros de configuración para executar os comandos ifconfig e route cando se inicie o equipo. Estes ficheiros son:

• En Ubuntu: Se configuramos as interfaces de rede co webmin, a configuración almacénase no ficheiro /etc/network/interfaces e se o configuramos coa ferramenta da distribución dentro da carpeta /etc/NetworkManager/system-connections.

• En Mandriva: A configuración das distintas interfaces de rede almacénase en ficheiros dentro da carpeta /etc/sysconfig/network-scripts tanto se as configuramos co webmin como co centro de control.

Para establecer os servidores de DNS, teremos que escribir as súas direccións no ficheiro /etc/resolv.conf (podemos poñer os que queiramos):

nameserver 10.3.100.0

O ficheiro /etc/nsswitch.conf é o que establece que mecanismos ten que utilizar o sistema cando quere consultar nomes de diversa natureza (equipos, usuarios, grupos, contrasinais) e en que orde os usa. A fila de hosts é a que indica se o equipo debe usar ou non o DNS para buscar o nome dun equipo:

passwd:     files nisplus
shadow:     files nisplus
group:      files nisplus
hosts:	files nisplus nis dns

A lista de hosts local se almacena no ficheiro /etc/hosts:

127.0.0.1   	equipo localhost
69.50.12.40	x xunta equipo.ola.veran

A diferencia de Windows, o cliente de DNS de Linux non almacena os resultados obtidos do DNS en caché