O colexio ten dúas aulas de Inglés para Infantil e Primaria. Ambas están dotadas dun aparello reproductor de CD, vídeo, televisor e abundante material videográfico e fonográfico.

Cada aula está organizada para adecuarse ás necesidades do alumnado que traballa nela. A aula de 2º e 3º ciclo de Primaria conta cun reproductor de DVD.

A aula de Música está insonorizada e nela os nenos e nenas comezan a súa formación musical dende os tres anos.

Esta aula conta cunha completa dotación de instrumentos musicais e cun equipo reproductor de música.

A aula de Pedagoxía Terapéutica é un lugar acolledor onde o alumnado acode de forma individual ou en pequeno grupo para reforzar o traballo realizado nas aulas.

Esta aula está dotada de material diverso e conta cun ordenador como elemento de traballo motivador que ofrece numerosas posibilidades.

A aula de Audición e LInguaxe está organizada en distintos espacios onde cada neno pode realizar o seu traballo de forma individualizada e coa concentración precisa.

Esta aula está dotada de todos o medios necesarios para ofrecer a cada neno o material necesario para desenvolver o seu traballo.