Normas reguladoras da lectura e do préstamo na  biblioteca

1.- PARA A POSTA EN MARCHA

1. A primeira visita á biblioteca realizarase do seguinte xeito: a titora acompañará ó seu grupo de alumn@s na hora lectiva que lle corresponde e explicará  a organización da mesma.
2. É  conveniente que a profesora os/as oriente na elección das súas lecturas polo que é necesario pase primeiro pola biblioteca para facer unha selección previa.
3. O horario da biblioteca  colocarase nun sitio visible da aula e respectarase o establecido para cada curso.
4. Os préstamos e devolucións faranse tan só no recreo o día que corresponde.
5. Cada alumn@ e profesora dispoñen dun carné cos seus datos persoais, número de lector/a e foto para levar libros en préstamo.
6. Cada titora debe pasa-lo listado do alumnado que non ten carné xunto coa foto carné de cada un deles.
7. Pídese ó profesorado que comunica as necesidades que detecte para facer inversións na biblioteca.
8. Do mesmo xeito tamén pode comunica-los fallos que observen para poder enmendalos.

2.- PRÉSTAMOS

1. A biblioteca é un lugar de estudio, traballo, lectura, ... polo que, para conseguir un ambiente axeitado e que estas actividades se poidan facer con normalidade, deberá manterse silencio e non se poderán levar bebidas nin comida.
2. Non se prestarán  as grandes obras de consulta, dicionarios, enciclopedias, atlas, nin tampouco as revistas. (Estes libros estarán sinalizados cun “gomet” vermello).
3. Os préstamos faranse na hora do recreo  das 11.55 ás 12.25 horas. Cada curso ten un día marcado no horario.
4. Poderán retirar como máximo 3 libros de cada vez.
5. A duración do préstamo  será de 2 semanas, prorrogables por outro período de igual duración, sempre e cando o libro prestado non fose solicitado por outro lector, nesta e nalgunha outra circunstancia determinada, o período de préstamo poderase reducir.
6. Os préstamos de aula terán unha duración máxima dun mes podendo ser renovables.
7. A demora  da  devolución dos libros orixinará unha sanción que vai  dende a amoestación verbal (se non excede de dous días) ata a retirada da tarxeta de préstamo por un período dun mes, tres meses ou un ano, segundo a demora sufrida.
8. O deterioro dos libros ou o extravío destes, obrigará ó lector beneficiario do préstamo ó pago dos gastos que orixine a reparación ou compra dun libro novo.
9. Cando un libro sexa moi solicitado e non se dispoña de exemplares suficientes para atender a tódalas peticións, poderase rebaixar a duración do préstamo a sete días, sen dereito a prórroga.

3.- UTILIZACIÓN DA SALA  E  DOS  ORDENADORES DA BIBLIOTECA

1. A sala da  biblioteca pódese utilizar para impartir clase cando se vaian utilizar os materiais da  mesma  (libros, periódicos, revistas...) e para realizar actividades  de animación á lectura.
2. Para evitar coincidencias os profesor@s que desexen facer uso desta instalación deberán facelo na hora que teñen asignada semanalmente no horario da biblioteca.
3. A biblioteca débese usar para ler ou facer traballos que requiran o uso dela. Non pode ser un lugar de castigo.