Comedor escolar

O profesor encargado de comedor é:

• D. Manuel Álvarez González

Profesorado colaborador no comedor:

O profesorado que colabora no comedor vixía, por quendas, o comedor de 13 h 45 min, hora na que se entra no comedor ata ás 14 h 35 min, hora en que o alumnado sae ao patio.

• D.ª Mª José Gómez Pumar (substituta de D.ª Mª Jesús García Rodríguez)
• D.ª Beatriz Martínez Buide
• D.ª Mª Concepción Pardo Cortiñas
• D.ª Sandra Quintas Vázquez
• D.ª Mª Olga Rodríguez Grande
• D.ª Lucía Valado Cruz

Nais colaboradoras da vixilancia do alumnado despois da comida:

Vixían ao alumnado nos patios do colexio das 14 h 35 min ata as 15 h 30 min.

• D.ª Ana Álvarez Rodríguez
• D.ª Gerardina Bologna Gasparrini
• D.ª Mª José Díaz Castiñeiras
• D.ª Isabel Fernández Álvarez
• D.ª Milagros González Silva

Facendo quendas semanais, o alumnado de 5º curso pon as mesas e o alumnado de 6º curso serve e recolle as mesas.

Este servizos de colaboración dos nenos/as fanse por quendas, sen distinción de sexo e por rigorosa orde alfabética, pretendendo que, ademais de prestar servizo sirva de formación para eles/as mesmos/as.

Todo o profesorado do centro que o desexa, pode utilizar o servizo de comedor.

Obxectivos xerais do comedor escolar

• Desenvolver e fomentar hábitos alimentarios saudables dende a escola, educar nutricionalmente, ensinar un comportamento social e ser centro de desenvolvemento de habilidades e de convivencia.
• Cubrir unha parte importante das necesidades nutricionais dos nenos/as, proporcionando menús escolares saudables. As outras comidas do día deben achegar o resto das cantidades axeitadas de enerxía e de macro e micronutrientes, que permitan un bo estado de saúde e un crecemento óptimo durante a idade preescolar, escolar e adolescente.
• Proporcionar unha alimentación variada para garantir a inxestión suficiente e adecuada de nutrientes e enriquecer a capacidade de adaptación do neno/a aos diferentes alimentos, sabores e texturas.
• Educar á familia a través dos hábitos dietéticos adecuados dos nenos/as e involucrala no programa do comedor escolar.
• Favorecer a integración do profesorado no proceso de educación nutricional na escola.

Normas hixiénicas no comedor

• Lavar as mans antes de comer.
• Manter unha postura correcta e unha actitude relaxada.
• Comer sen presas. Aconséllase que o tempo necesario para comer non sexa inferior a 20 minutos.
• Mastigar ben.
• Beber durante a comida.
• Saber utilizar os garfos.
• Utilizar o pano de mesa sempre que sexa necesario.
• Evitar falar coa boca chea, pero si conversar cos compañeiros/as.
• Manter limpa a mesa.
• Enxaugar a boca e cepillar os dentes inmediatamente despois de rematar de comer.

Normas profesorado do comedor

• Vixiar ao alumnado nos corredores, segundo as quendas establecidas, ata que se coloque no comedor.
• Coidar de que o comportamento do alumnado sexa correcto nas entradas, estancias e saídas do comedor.
• Vixiar que o alumnado teña todo o necesario no comedor e que coma o que se lle serve.
• Manter a orde, coidar de que falen con normalidade para non molestar aos/ás demais.
• Non servir o segundo prato ata que rematen o primeiro.
• Coidar de que a distribución dos alimentos sexa equitativa e correcta e que non se faga mal uso dos alimentos.
• Fomentar hábitos hixiénico-alimentarios e de convivencia entre o alumnado preocupándose da utilización correcta dos garfos, panos de mesa e vasos.
• Permanecer no lugar que lle corresponde de vixilancia, fóra do comedor, durante o período de recreo.