Gratuidade dos libros de texto.
O programa de gratuidade será de aplicación a todos os centros sostidos con fondos públicos da Comunidade Autónoma de Galicia, para que lle faciliten ao alumnado de ensino obrigatorio e de educación especial, mediante o sistema de préstamo, os libros de texto das áreas que curse cada alumno ou alumna e de acordo coa relación de libros de texto incluídos no programa de gratuidade que se deberá publicar no taboleiro de anuncios do centro.
Non se inclúen no programa de gratuidade aqueles libros que, por diversas circunstancias, non poidan ser reutilizados polo alumnado durante catro cursos escolares, nin outros materiais de uso persoal tales como cadernos de idiomas, cadernos de exercicios ou libros en que se escriba, pinte ou recorte.
Tampouco poderán adquirirse con cargo ao programa dicionarios, atlas, libros de titoría e outros materiais similares.
A seguinte ligazón permitirá acceder ás páxinas onde se detallan os libros de texto para cada curso, propostos polos diferentes Departamentos Didácticos.
Tel: 982 512 160 · Fax: 982 523 203 · correo-e:ies.basanta.silva@edu.xunta.es
©IES Santiago Basanta Silva