En Lingua Galega.
En Educación Física
Está regulada polo Decreto 253/1990, do 18 de abril (D.O.G. do 2 de maio de 1990). Pode optar a ela o alumnado que se incorpore o sistema educativo de Galicia procedente doutras comunidades autónomas, ou do estranxeiro. A exención refírese tan só ás probas de avaliación da materia de lingua galega pero, como medio de integración lingüística é obrigada a asistencia ás clases. O incumprimento, por parte do alumnado,das súas obrigas determinará, (tras os informes pertinentes -segundo proceda- do profesor, do Departamento de Galego e mais da dirección do centro, con audiencia do Consello Escolar e oído o interesado ou, se é o caso, o representante legal), a revogación da concesión de exención. Tanto a revogación coma a denegación da exención producirán como efecto a obriga para o alumno de ser cualificado nas avaliacións parciais e na final do curso no que se atopa.
As exencións solicitaranse para cada ano académico de permanencia na Comunidade Autónoma de Galicia e os seus efectos limitaranse ao citado ano, sen que se poidan conceder en máis de tres consecutivos. As solicitudes presentaranse nas delegacións provinciais da Consellaría de Educación e Ordenación Universitaria (a comenzo do curso), as cales resolverán sobre a súa concesión ou denegación; contra estas resolucións poderase recorrer perante o Conselleiro de Educación e Ordenación Universitaria.
Malia ao establecido anteriormente, o alumnado poderá ter dereito a unha nova exención se se cumpren as dúas condicións seguintes: a) Acreditación documental, ao comenzo dese cuarto ano académico, do traslado de residencia, seu e dos pais ou titores, para fóra da Comunidade Autónoma. b) Informe positivo da dirección do Centro, logo de audiencia do profesor, do Departamento de Galego e do interesado ou do seu representante legal.
Poderán obter tamén a exención da materia de lingua galega o alumnado con deficiencias, especialmente auditivas, que acredite o grao de deficiencia, segundo o estableza a Consellería de Educación, e declaren estar instalados na outra lingua oficial de Galicia.
Para máis información consultar na Secretaría do Instituto.
Cando por razóns médicas, debidamente acreditadas, un alumno non poida ou non deba realizar actividade física parcial ou total, estará exento da parte práctica correspondente durante o tempo que os respectivos informes médicos aconsellen. Malia todo, deberá facer as tarefas e traballos de carácter teórico que se establezan na programación da materia e lle sexan encomendados polo profesorado, estando suxeitos á correspondente cualificación.
Tel: 982 512 160 · Fax: 982 523 203 · correo-e:ies.basanta.silva@edu.xunta.es
©IES Santiago Basanta Silva