Estas páxinas reúnen unha parte do traballo realizado no IES María Soliño de Cangas do Morrazo, dentro do proxecto Comenius “As tradicións populares: o Entroido” durante o curso 2001-2002. Neste proxecto participaron tamén os centros escolares Istituto Magistrale P. Villari, de Nápoles –Italia- e Liceul Commercial M.Kogalniceanu, de Focsani –Romenia-.

         Para desenvolver este proxecto levouse a cabo unha recollida de material, tanto por parte do alumnado coma do profesorado, que concluiu coa realización dos seguintes traballos:

	Unha proxección de fotografías antigas.
	Unha exposición multidisciplinar que incluiu: Fotografías e coplas, antigas e actuais, do entroido na zona. Máscaras realizadas polo alumnado. Audición de entrevistas e cantares recollidos polo alumnado. Visionado de videos de elaboración propia sobre o entroido na zona.
	A elaboración desta páxina web que presenta a seguinte estructura:
	Unha aproximación ao tema do entroido desde tres puntos de vista:

	a existencia de festas similares ao carnaval desde a antigüidade clásica
	o carnaval en Galicia, tomando como exemplo catro das súas manifestacións máis representativas
	as prohibicións que sufriu esta celebración ao longo da historia por parte das autoridades.

A festa do Entroido na zona onde se ubica o centro escolar: o concello de Cangas do Morrazo, en particular as parroquias de O Hío e Aldán e a propia vila de Cangas. Complétase esta información con material gráfico do entroido antes de 1975, nos últimos 25 anos e dalgúns entroidos celebrados no centro escolar.

Inclúense algúns dos traballos realizados polos alumnos sobre esta celebración:

	información recollida sobre cada un dos aspectos anteriores
	redaccións sobre as propias vivencias do carnaval
	elaboración de caligramas
	confección de máscaras

      Estes traballos foron realizados nas aulas de Ciencias Sociais, Cultura Clásica, Deseño, Lingua Castelá e Lingua Galega, por alumnos de ESO e Bacharelato; dáse unha relación dos alumnos participantes, con vínculos aos seus traballos respectivos.

      Para a elaboración destas páxinas utilizáronse fotografías cedidas pola Asociación Cultural A CEPA, Carlos Martínez García e outros membros de comparsas de Aldán e O Hío, Suso Lorenzo e alumnos do centro. Ademais utilizouse material gráfico dalgúns enderezos de Internet que tratan o tema do entroido en Galicia, entre os cales recomendamos:

	O Entroido en Ourense
	Verín, Laza e Xinzo da Limia
	Información do portal Vieiros, con vínculos a esta celebración en Galicia e noutros lugares do mundo
	Especial do portal  Cultura Galega
	A comarca da Ulla
	Xinzo da Limia
	Vilariño de Conso
	O entroido onte, en Moaña
	Fotografías de Xulio Vilariño sobre o entroido do sur de Galicia
	Especial do xornal La Voz de Galicia

 Pódese baixar o texto completo deste traballo, nun arquivo zip (476 KB), pulsando sobre o botón