Cifras e letras

Dámosche a posibilidade de que xogues cos números con esta versión interactiva baseada na mecánica do famoso concurso "Cifras e letras". Xa sabes, a partir de 6 cifras dadas tes que conseguir un número exacto antes de que remate o tempo. Sorte!!!

Xogo que provén do Xapón no que o obxectivo é unir os díxitos iguais cunha liña sin que se solapen os camiños.

As Torres de Hanoi é un xogo matemático que consiste en 3 pauciños verticais e un número de discos que determinan a complexidade da solución. Non hai dous discos iguais, están colocados de maior a menor no primeiro pauciño ascendentemente, e non se poden colocar ningún disco maior sobre un menor a el en ningún momento. O xogo consiste en pasar todos os discos ao terceiro pauciño colocados de maior a menor ascendentemente.

¿Aínda non coñeces o SUDOKU? Este xogo, posto de moda en Xapón, é, sen dúbida, un auténtico boom mundial. O obxectivo do xogo é cubrir unha cuadrícula de 9×9 celas dividida en subcuadrículas3×3 (tamén chamadas "caixas" ou "rexións") coas cifras do 1 ao 9 partindo dalgúns números xa dispostos nalgunhas das celas. Proba sorte!!

Se che gusta facer os encrucillados dos xornais, aquí che propoñemos esta opción para que pases un pouco o tempo. A gran particularidade que ten á que moitos das súas definicións son termos e vocablos relacionados coas matemáticas, ou que agardabas??

O Tangram é un famoso xogo de mesa chinés que consiste basicamente nun quebracabezas xeométrico no que, empregando sete pezas que resultan da descomposición dun cuadrado, se poden crear infinidade de figuras que lembran obxectos e seres da vida cotidiana. Xeralmente son pezas de cartón ou madeira pero aquí permitímosche usar a versión electrónica do xogo que foi adaptada ao galego por Manuel Díaz Regueiro de AGAPEMA.