Comenzamos o curso achegando unhas breves nocións sobre a alimentación en xeral (roda de alimentos, nutrintes que a compoñen, elementos vitamínicos relacionados; en definitiva, todalas sustancias nutritivas...) Despois de seren traballados todos estes conceptos, tráense á clase diferentes receitas, ás veces aportadas polos mesmos alumnos e aplícanse á roda de alimentos chegando a comprobar que é moi doado ter unha alimentación variada e equilibrada. Esta actividade pois, serve non só para mellorar os hábitos alimentarios dos rapaces e rapazas que, en ocasións, non son suficientemente bos para eles xa que están moi influenciados pola demoninada "comida basura", inzada de graxas animais e outras substancias, moitas veces nocivas para a saúde.
Dentro do apartado de artesanía, dáse preferencia á madeira xa que se considera moi útil dentro da vida persoal dos alumnos e, ademais, resúltalles moi atractiva e interesante esta actividade. Amais da madeira, tamén se traballa a escaiola, a marmolina, a resina procedendo, ás veces, á restauración e pintado dalgunhas pezas. Tamén se adica parte das clases á pintura en xeral: cadros, tecidos (camisetas, toallas, manteis), madeiras (bandexas, caixas, baúis, estanterías ...) etc
Finalmente, os labores de fío, especialmente de punto de cruz, actividade da que, en xeral, gusta moito o alumnado. Amais de resultar un traballo relaxante, é tamén unha actividade práctica da que poden sacar un bo partido na súa vida diaria: coser botóns, baixos da roupa et.
|
|
|
