2005-2006

Os 50 mellores bachilleres de Galicia, entre elles AROA LAGO FERNÁNDEZ alumna deste centro, asistiron ao IV Curso Preuniversitario da Universidade Internacional Menéndez Pelayo (UIMP) celebrada en Vilagarcía do 5 ao 9 de setembro.

Jorge Wagensberg, creador do Museo das Ciencias de Barcelona, impartió a conferencia inaugural en torno á pregunta ¿Que coñeces?. O cirujano Cesáreo Conde, o arquitecto Alfonso Penela, a demógrafa Anna Cabré, a psicóloga Monserrat Pérez e o político Joseph Piquet, entre outros, compartiron tamén os seus saberes, coñecementos e experiencias cos mozos bachilleres.

Os alumnos alternaron as conferencias con visitas culturais e turísticas.

O noso querido compañeiro e amigo, José Luís López Cuétara, deixa as funcións propias da Xefatura de Estudos, que durante 17 anos desempeñou neste centro, ao chegar á idade de xubilación.

No último día de clase os compañeiros e alumnos participaron nun sinxelo acto no que agradeceron e recoñeceron o seu labor no Centro, deixando constancia da mesma nunha placa conmemorativa.

O IES Rosais 2 continúa entre os 20 mellores centros de Galicia con mellores resultados na proba de selectividade.

Dos 126 alumnos matriculados en 2º de Bacharelato, presentáronse á selectividade entre xuño e setembro 112 alumnos - o resto matriculáronse en módulos de FP - e aprobaron 109, o 97,32 %, sendo 6,17 a nota media acadada na proba e 6,75 a nota media do expediente dos alumnos.
En xuño dos 84 alumnos presentados aprobaron 83, o 98,81 %, sendo a nota media acadad na proba de 6,45 e 7,26 a nota media do expediente.

Os alumnos de 2º de Bacharelato, na compaña dos seus titores,plantaron unha árbore cameli na área verde posterior do Centro, como lembranza do seu paso polo Instituto Rosais 2 de Vigo. Continuose, deste xeito, cunha tradición iniciada fai varios anos pola que o derradeiro día de clases, antes dos exames finais, os alumnos que rematan os seus estudios, para pasar a Universidade o Formación Profesional, plantan unha árbore como recordo dos anos compartidos nas nosas aulas co desexo de bo futuro para todos.

AROA LAGO FERNÁNDEZ, ALUMNA DE 2º BACHARELATO-C, ENTRE OS 50 MELLORES PREUNIVERSITARIOS DE ESPAÑA


A Universidade Francisco de Vitoria seleccionou aos 50 mellores alumnos preuniversitarios de España, entre os que se atopa a alumna deste centro, Aroa Lago Fernández de 2º Bacharelato-C.

Estes alumnos realizarán durante tres semanas, do 11 de setembro ao 1 de outubro, unha viaxe académica, cultural e de lecer na que coñecerán a personalidades especialmente relevantes do ámbito político, cultural e económico europeo, entre os que se atopan os primeiros ministros do Reino Unido, Francia e Chequia; o presidente da República Italiana; Emilio Botín, presidente do Grupo Santander; Leopoldo Calvo Sotelo, expresidente do goberno español; o eurodiputado Marcelino Oreja; o sociólogo Amando de Miguel; o filósofo Robert Spaeman; ou o semiólogo Umberto Eco, entre outras personalidades.

Os estudantes sairán o 11 de setembro de Alcalá de Henares e, de alí viaxarán a Oxford, Paris, Praga, Heidelberg, Bolonia e Salamanca, onde erematará a súa aventura universitaria o 1 de Outubro. En cada un dos destinos asistirán a conferencias e participarán da vida universitaria a través de actividades culturais e de lecer.

A iniciativa é herdada do histórico “Crucero Universitario” polo Mediterráneo que se levou a cabo en 1933 e que encabezado por Manuel García Morente, destacada figura da vida
Universitaria da primeira metade do século XX, contou entre o grupo de alumnos con Julián Marías, Gregorio Marañón, Valle Inclán e Vicens Vives, entre outras persoas recoñecidas posteriormente polo seu prestixio.

Neste I Edición de Becas Europa convocada pola Universidade Francisco de Vitoria, puideron participar todos os alumnos de 2º de Bacharelato de España. A primeira selección de candidatos depende directamente dos centros de estudo. Cada centro puido presentar un máximo de dous alumnos elixidos atendendo ao seu expediente académico e a outros criterios pedagóxicos estimados valorables polos profesores. Posteriormente un comité presidido polo reitor da Universidade Francisco de Vitoria, seleccionou 150 alumnos. Estes 150 candidatos participaron nunha fin de semana (1 e 2 de abril) de selección, na que a través de distintas probas de intelixencia, entrevistas e talleres culturais o Comité de Selección elixiu aos 50 mellores que disfrutarán desta aventura universitaria.

O obxectivo desta iniciativa é animar ós alumnos participantes a asumir un maior compromiso coa súa propia formación e a acadar unha idea profunda e participativa do que significa ser universitario. Con ela preténdese ademais potenciar o sentimento de identidade europea entre os participantes.

COMPARTE SAÚDE. DOA SANGUE

O luns, 20 de Marzo o alumnado de 2º de Bacharelato poderá doar sangue na unidade móbil do Centro de Transfusión de Galicia desplazada ao Centro.
A doazón de sangue é un acto voluntario, universal e gratuito. Pode doar sangue calquera persoa maior de 18 anos cunha saúde normal, con máis de 50 kg de peso e que non padeza nin teña padecido enfermidades transmisibles polo sangue. É un proceso sinxelo, dura uns dez minutos e en todo momento está controlado por persoal sanitario especializado.

En Galicia soamente doan sangue 4 de cada 100 persoas e non é dabondo. Cada día nos hospitais galegos realízanse preto de 500 intervencións cirúrxicas e aténdese 2.700 urxencias. Moitas persoas necesitan sangue para poder recuperar a súde ou salvar a vida.

Do 7 ao 20 de novembro celébrase a Semana da Ciencia organizada para achegar a ciencia e a tecnoloxía á sociedade e concienciala da súa importancia no progreso económico e no benestar social.
Nesta cuarta edición e con motivo do Ano Internacional da Física declarado pola UNESCO, en homenaxe á publicación en 1905 de catro artígos de Albert Einstein, a temática que centra a Semana da Ciencia é a Física.
Durante estes días celebraranse en toda Galicia 46 mesas redondas e conferencias, 18 xornadas de portas abertas e visitas guiadas, 4 cursos, 8 itinerarios didácticos e excursións, 11 exposicións e 10 ciclos de cine.
Ademáis haberá outras actividades centradas noutras áreas da ciencia, como agricultura e gandería, bioloxía molecular, celular e xenética, bioloxía animal e vexetal, ciencia e tecnoloxía dos materiais, ciencias da terra, etc.

Para máis información: www.dxid.org/semanadaciencia

Benvidos / O Centro/ Oferta Educativa / Organización / Secretaría/ Departamentos/ Alumnado / Actividades / Novas/ Enlaces / Acerca da Web / Buscar

O pasado 22 de xuño, a profesora TERESA BELLO VÁZQUEZ, impartiu a súa última clase, tras unha longa vida dedicada á docencia, no curso de 2º ESO-A, do cal era titora.

Acompañada dos seus alumnos, compañeiros de Ciclo e equipo directivo, foi emotivamente homenaxeada e despedida neste último día de clase.

¡FELIZ XUBILACIÓN!