FAMILIA PROFESIONAL DE MANTEMENTO E SERVICIOS Á PRODUCCIÓN

Nome completo do ciclo formativo
Instalación e mantemento electromecánico de maquinaria e conducción de liñas

¿Canto dura o ciclo?
O ciclo dura 2000 horas, é dicir, dous cursos.

Algunhas das profesións que podes desenvolver son:

• MECÁNICO DE MANTEMENTO   • ELECTRICISTA DE MANTEMENTO   • ELECTROMECÁNICO DE MANTEMENTO   • MONTADOR INDUSTRIAL   • CONDUCTOR/MANTEDOR DE LIÑA AUTOMATIZADA

¿Que me van ensinar?
Cando remates os teus estudios poderás realiza-lo mantemento e reparación de maquinaria e equipo industrial, en condicións de calidade e seguridade e nos prazos requiridos.

Tamén poderás obte-la producción en liñas automatizadas coa calidade, cantidade e nos prazos requiridos, coordinando os recursos humanos e mantendo os equipos e sistemas de producción en condicións de fiabilidade e disponibilidade. Realizarás a montaxe de instalación en planta de maquinaria e equipo industrial, realizando o servicio técnico posvenda en condicións de calidade, seguridade e prazos requiridos.

¿Para que me vou preparar?
As funcións básicas que vas desenvolver son a execución do mantemento e reparación de maquinaria e equipo industrial, producción en procesos automatizados como responsable de liña, integrando as funcións de producción e mantemento, producción de fabricación de maquinaria, realizando montaxe, instalación en planta e asistencia técnica.

¿Que titulación obteño?
Técnico en instalación e mantemento electromecánico de maquinaria e conducción de liñas.

Distribución horaria

Currículo

Os talleres

Taller de mecanizado	Taller de mantemento	Taller de instalacións electrotécnicas	Taller de sistemas automáticos