|
Dálle
á Lingua é unha publicación periódica
do Equipo de Normalización Lingüística do Centro.
A súa función consiste, esencialmente, en divulgar a
problemática do idioma entre os membros da comunidade educativa
e na súa elaboración participa un Consello de Redacción
constituído a principios de cada curso. O Consello pretende
integrar a representantes de todos os sectores da comunidade educativa,
aínda que non sempre é posible. A revista aparece alomenos
unha vez ao trimestre, sendo distribuída gratuitamente entre
todas e cada unha das persoas que acoden diariamente ao centro (alumnado,
profesorado e persoal non docente), garantíndose que chegue
a todas as casas.
Un número-tipo de Dálle á Lingua consta de:
- Páxina 1: Noticia central do trimestre e editorial.
- Páxina 2: Noticias do centro (relacionadas especialmente
co idioma, aínda que non se rexeitan outras especialmente interesantes
segundo o momento).
- Páxina 3: A situación do idioma (as novas sobre a
lingua máis transcendentes das acontecidas ao longo do trimestre).
- Páxina 4: "Os toxos e as flores" (parabéns
e crítica desapiadada, respectivamente, para dúas iniciativas
sobre o idioma), pasatempos, noticias do "peche"...
Nesta sección podes atopar a versión electrónica
dos últimos números aparecidos de Dálle á
Lingua.
|
|