As comidas máis utilizadas durante o carnaval do Hío, xa o dixemos anteriormente, son as filloas, as chulas, as orellas e o bandullo

Receitas

•  5 culleradas rasas de fariña fina de millo (Maicena) 50 grs.
•  6 culleradas rasas de fariña de trigo. 150 grs.
•  1/2 sobre de lévedo.
•  4 ovos.
•  3 culleradas sopeiras de aceite.
•  Algo máis de medio vaso de auga.
•  Algo máis de medio vaso de leite
•  2 culleradas colmadas de azucre. 50 grs.
•  A pel dun limón e unha chisco de sal.

Preparación:

      Mesturar a fariña fina de millo coa fariña de trigo, o azucre, o sal, o lévedo, o aceite e os ovos nun tarro. Bater ben, engadindo pouco a pouco o leite e a auga ata obter unha pasta ben lisa e sen grumos. Engadir, entón, a pel dun limón ralada. De seguido, pór a quentar unha tixola antiadherente, ben engraxada. Cunha culler verter a pasta na tixola, formando unha capa moi fina. Deixar cocer a lume vivo polos dous lados, dándolle a volta cunha espátula. As filloas tanto se poden servir quentes coma frías, pero ben azucradas.

•  1 cabazo
•  3 ovos
•  Fariña de trigo. 250 grs.
•  Azucre. 200 grs.
•  1 sobre de lévedo.
•  Unhas gotiñas de esencia de anís

Pelar e cocer o cabazo. Despois bater os ovos e introducir o cabazo ben escorrida coa fariña, o azucre, o lévedo, a esencia e bater todo ata formar unha masa. Despois disto poñer bastante aceite e cando estea quente introducir as culleradas colmadas da masa feita. Logo poñelas na fonte botándolles azucre e servir.

•  1/2 kg. de fariña.
•  2 ovos.
•  Manteiga. 200 grs.
•  1 cullerada de lévedo

Cos ingredientes sinalados formar unha masa que se nos despegue das mans incorporando, se fose preciso, unha pouca de auga. Deixar vir a masa unha media hora. A continuación estender a masa do xeito máis fino posible, cortar a masas en cadrados e fritilos en abundante aceite moi quente. Poñelos nunha fonte ben estirados e botarlles azucre.

•  Unha barra de pan resesa.
•  1 litro de aceite.
•  1 cullerada de lévedo.
•  6 ovos.
•  6 culleradas de azucre.
•  A raspadura dun limón.
•  Manteiga.

Poñer o pan en remollo mesturado co leite. Bater os ovos e incorporalos ó pan cunha culleradiña de lévedo e a raspadura do limón. A continuación bater todo ata facer unha masa e untar o molde onde imos facelo coa manteiga. Metelo no forno uns corenta e cinco minutos a uns 250º ata que estea callado.