Hai quen afirma que:

Shin Chan é un "personaxe infantil de cinco anos, cabezón, baixiño, irreverente, procaz, machista, obsesionado polo sexo e capaz de deixar mal aos maiores e a calquera que se lle poña por diante con tal de saír coa súa"

Galicia Hoxe, 3-03-2004

CUALIFICAN A SHIN CHAN DE MACHISTA E INSULTANTE.

O Seminario Galego de Educación para a Paz criticou con intensidade a serie de debuxos animados xaponesa Shin Chan, que emite a TVG, por considerar que se trata dunha auténtica escola de contravalores, na que "os protagonistas fan apoloxía permanente e sistemática do sexismo, do machismo, da intolerancia, do insulto, da discrimianación".

Tales recriminacións aparecen nun artigo asinado polo presidente do seminario, Manuel Dios, e incluído na unidade didáctica Sobre a violencia nos medios de comunicación: unha educación necesaria.

A unidade foi editada por esta enditade pacifista e, mediante un acordo coa Consellería de Educación, distribúese entre os centros de Primaria e Secundaria públicos de toda Galicia.

No artigo, Shin Chan, contravalores a diario, recollido por Europa Press, Manuel Dios sostén que estes debuxos animados representan precisamente algúns prexuízos que desde o Seminario para a Paz se pretenden "combater, pacífica e democraticamente".

O presidente da organización citada subliña que o protagonista da serie "é un neno caprichoso, insoportable, maleducado, que confunde necesidades con caprichos, que utiliza as rabias e a chantaxe para alcanzar os seus obxectivos".

Ademais, este neno móvese "nun modelo familiar lamentable, cun pai bébedo, libidinoso, machista, discriminatorio, e cunha nai de rol tradicional, ama de casa, presentada como irresponsable, abandonada, que mesmo abusa e maltrata o neno física e psicoloxicamente"

Tamén se refire Manuel Dios a outros personaxes, como as profesoras do protagonista, que aparecen como "aproveitadas e irresponsables, e aplauden o exhibicionismo e rin as grazas do neno" cando este mostra ledamente os seus xenitais.

Advirte o autor do artigo que el coñeceu "a numerosos pais que están indignados con esta serie"

Así, Manuel Dios pídelle á dirección da TVG "a retirada da citada serie ou o seu traslado a un horario non infantil, porque o traballo de asociacións de pais, profesionais e educadores non pode ser destruído"

Mais a mesma Xunta de Galicia utiliza a imaxe de Shin Chan para a súa campaña Entre nós en Galego do ano 2005

????????????????????????????

En 1º ESO A analizaron estes debuxos e a visión que dan da muller: