AGUNSTÍN FERNÁNDEZ PAZ

Faltaban moi poucos anos para chegar á metade do século XX cando na Terra Chá luguesa naceu un neno ao que lle puxeron o nome de Agustín. Este neno que aprendeu moi logo a ler nas sombras da lareira e así gustar das historias contadas, a devorar os cómics que caían nas súas mans e ata "fochicar" nos libros que se atropelaban nos andeis da casa dos seus pais. 

Os seus estudios de Perito Industrial fai que pase varios anos na "Universidade Laboral" de Xixón, onde ten a oportunidade e o tempo de darse enchentes das historias e das viaxes pola imaxinación coa guía dos seus grandes amigos: os libros. É nestas terras onde Galicia se lle presenta como nun espello coa cara da saudade que alimenta a distancia. Cada vez que remataba unha carreira, esta lle servían para catapultarse a outra, e esta a outra. Así é Mestre de Ensino Primario, Licenciado en Ciencias da Educación e Diplomado en Lingua Galega.

O seu labor no ensino primario e secundario doulle un achegamento, xa maduro, ao mundo dos nenos que se reflicte nas súas narracións.

Agustín Fernandez Paz xa ten publicado unha morea de libros, colaboracións, artigos, materiais didácticos, etc que pola súa cualidade o fan ser referente da literatura infantil e xuvenil. El escribe en galego pero ten moitos dos seus libros traducidos  ao castelán, éuscaro, catalán...,  tal e como podemos ir comprobando no apartado de LIBROS.  A modo de exemplo Fuxida do mar (español, catalán, valenciá e euskara),  A escola dos piratas (español, catalán, valenciá, euskara, portugués e francés), ...

E dentro dos recoñecementos á súa labor temos os seguintes:

• As flores radiactivas......... merecedor do Premio Merlín no 1989.

• Cos pés no aire................. acadou o premio Raíña Lupa (Deputación de A Coruña) o ano 2000. Co mesmo libro quedou Finalista do Premio Nacional de LIJ neste mesmo ano e finalista do Premio Protagonista Jove no 2002.

• Contos por palabras....... o premio Lazarillo en 1990. Con ese mesmo libro quedou finalista do Premio Nacional de LIJ en 1992.

• Polo conxunto dos seus escritos sobre cómics concedéuselle o Premio Ourense de Banda Deseñada en 1992.

• Trece anos con Branca..... conseguiu o Premio Edebe de literatura xuvenil no ano 1994.

• Cartas de inverno........... o premio Rañolas ao mellor libro editado, 1995. Con ese mesmo libro quedou finalista do Premio Proragonista Jove en 1998

• O centro do labirinto........co que quedou Finalista del Premio Nacional de LIJ en 1998

• Aire negro........................ A edición catalana obtivo o Premio Protagonista Jove no 2001. Foi incluído na lista da The white Ravens Internationale Jugenbibliotehk de Munich no 2001. No 2002 estivo na IBBY Honour List.

• Dedicáronlle o Día das letras chairegas.... Organizado polos concellos da Terra Chá no 2001

• No corazón do bosque......    Finalista del Premio Nacional de Literatura no ano 2002.

• Un tren cargado de misterios..... Premio Lecturas 2003, de GALIX

• O meu nome é Skywalker.......... Premio O Barco de Vapor, 2003.

• Noite de voraces sombras.......... Finalista do Premio Nacional de Literatura no ano 2003.

• Xan de Xenaro: memoria de 32 años..... Primeiro Premio do Concurso de guións de vídeos didácticos do concello de Fene (con Bernardo Maiz).

• Premio Irmandade do libro da Federación de libreiros de Galiza, 2004

• CANLES 5, do que é co-autor, recibiu o "Premio Emilia Pardo Bazán", do Ministerio de Educación, para libros de texto non sexistas.

• A escola dos piratas..........  Gañador do XII Premio Edebé de Literatura Infantil no 2005

Varias veces formou parte das listas de honra de IBBY (1992 e 2001) e das mesmas lista de CCEU. No 2001 foi incluido no The White Ravens 2001 de la Internationale Jugenbibliotehk de Munich.

Ademais en múltiples artigo, entrevistas, citas e nas escolmas da literatura infantil e xuvenil galega deste século aparece dun xeito relevante, Agustín Fernández Paz; como mostra un botón:

• No nº 181, 1990, páxs. 40-42 de  Cuadernos de pedagogía escribiu o artigo "Herramientas múltiples: nuevas áreas curriculares".

• Na revista de Literatura infantil e xuvenil, PEONZA (Santander, abril 2003), no seu número 64 hai unha entrevista a Agustín na que entre outras da resposta a Como, por que e para que escribes?

• En maio de 2004 e no apartado ¿Por que ler? aparece citado Agustín Fernández.  En xuño do 2007 a portada do número 205 de CLIJ (Cuadernos de Literatura Infantil e xuvenil) está titulada co nome de Agustín Fernández Paz. Repetidas veces aparecen as súas obras recollidas no listado de Honra dos 100 mellores libros do ano: 1999 ao 2007.

• Na Revista Galega do Ensino levou durante varios anos a sección "O pracer de ler".

• Nas revistas, ademais das citadas, As Roladas, Revista Galega de Educación, CLIJ, Signos, TEXTOS, etc.

• Na prensa: La Voz de Galicia, Faro de Vigo, O Progreso,....

A súa pegada quedou ao seu paso polo Gabinete de Estudios para a Reforma Educativa, da Consellería de Educación (1988-90), así como no seu traballo como Coordinador Docente de Galego (1990 a 1995).

É membro da Ponencia de Lingua do Consello da Cultura Galega e asesor do Programa SOL, da Fundación Germán Sánchez Ruipérez.  Pertenceu, como fundador, aos colectivos pedagóxicos "Avantar" e "Nova Escola Galega". Codirixe, tamén, a Colección "Merlín" de literatura infantil e xuvenil... Codirixiu, así mesmo, diversas series de materiais didácticos: Nobelos de Papel (para o ensino globalizado en galego no Ciclo Inicial), ¡Ámote, mundo! (para a Area de Experiencias) e as series de Lingua Galega, CANLES, LABIA e LINGUA E.S.O).

Así poderíamos seguir polos vieiros do seu amplo currículo como profesional do ensino, coma escritor e coma persoa.

Todo o alumnado de E Primaria do noso centro coñecemos e nos deleitamos coa obra de Agustín Fernández Paz, da que temos moitos dos seus libros na biblioteca. Tamén nós mercamos algúns para ter nas nosas casas e traballas con eles na clase de lingua:

 

• A CIDADE DOS DESEXOS.    Agustín Fernández Paz   Edi. Xerais. Colección Merlín.

• A PRAIA DA ESPERANZA.     Agustín Fernández Paz . Edi. Xerais. Colección Merlín.

• TRECE ANOS DE BRANCA.  Agustín Fernández Paz . Edi. Xerais.  Colección Merlín.