copérnico: a terra non é o centro
Ata Copérnico, toda Europa pensaba que a Terra era o centro
do Universo. Ptolomeo foi o astrónomo que impulsou esta
teoría, que facía circular aos astros por sete ceos
distintos que rodeaban á Terra (de aí a expresión
"estar no sétimo ceo", que era o ceo máis lonxano que
ocupaban as estrelas).
Hoxe resulta case gracioso pensar que a Terra sexa o centro do Universo, pero o certo é que é o que doadamente pensariamos a meirande parte de nós con só ollar para o ceo e sen coñecer outras teorías. O único que escapa á unha explicación xeocéntrica (isto é, que a Terra sexa o centro do Universo) é o movemento retrógrado dalgúns planetas, en especial de Marte.
Ptolomeo explicaba este comportamento de Marte e dos outros planetas exteriores mediante cunha complexa teoría na que se introducían epiciclos e deferentes para tratar de facer encaixar o movemento retrógrado dentro da teoría xeocéntrica.
Pero por fin chegou Copérnico e quitounos dese lugar de honra en que as teorías de Ptolomeo situaban ao noso planeta para situar nel ao Sol. Grazas a este cambio a un modelo heliocéntrico (isto é que o Sol ocupa o centro do sistema solar) podíase prever a posición de cada un dos corpos celestes con moita máis fiabilidade do que coa anterior teoría.
E o máis importante, Copérnico ensinounos a non dar por certas as teorías máis asentadas pola tradición e submeter todo á crítica da razón e da observazón científica.
Máis información sobre Copérnico en:
