O Pan

Para realizarmos este traballo de investigación teremos que dividirnos en grupos de 3 ou 4 compañeir@s da clase e elixir un dos temas en que o imos dividir:

Estes temas, aos que poderás acceder dende a páxina de Documentación, ou dende o apartado de Temas son os seguintes:

Logo teremos que ir recollendo a información de alomenos 3 fontes distintas para a elaboración do noso traballo. Tomaremos as notas nun caderno cos datos que  pensemos que son de importancia para a elaboración do traballo. Eliminaremos as informacións repetidas e aquelas que non teñan especial interés.

Logo teremos que darlle forma; Para iso teremos que ter en conta distintos elementos que necesariamente aparecerán no noso traballo:

1. Portada, co título e os autores do traballo;
2. Índice no que se indiquen as partes nas que se estruturará o noso proxecto; Cando elabores o índice consulta co profesor/a  para que che dea o seu parecer.
3. O desenvolvemento de cada unha das partes; Primeiro farás un borrador a man, e cando estea corrixido pol@ mestre poderás pasalo a limpo no ordenador.
4. Un glosario co significado das palabras "raras" que aparezan no texto;
5. Un apéndice de Bibliografía e fontes nos que faremos constar de que libros ou recursos web sacamos a información para facer o traballo.

Tamén elaboraremos un cartel no que se exporán dun xeito resumido e acompañados de imaxes todo o que temos aprendido sobre o tema elixido. Cos carteis de todos os grupos faremos unha exposición para explicar a todo o colexio todo o que aprendemos sobre o pan, e vós teredes que explicar a vosa parte do traballo.

No traballo escrito e no cartel coidaremos deixar marxes a dereita e esquerda, arriba e abaixo. Procuraremos que a letra sexa clara e que non haxa borróns.