Nas Chans hai vida: 'ven a descubrila'
Curso 2006/07


• Actividades conxuntas

• Aforramos papel. Facemos fotocopias polos dous lados
• Separamos para reciclar: papel, plásticos, etc.
• Separamo-lo lixo do comedor.
• Reciclamo-lo aceite da fritideira
• Expoñemos traballos de reciclaxe ou relacionados coa natureza

• Actividades por cursos

Educación Infantil

• Facemos obxectos con materiais de reciclado
• Colaboramos no horto de abaixo
• Proxectos relacionados coa natureza

Primeiro

• Potenciamo-la recollida das pilas (os venres)
• Fecemo-los sementeiros
• Prantamos árbores no xardín

Segundo

• Facémo-lo xabón co aceite da fritideira do comedor.
• Prantamos árbores no xardín.

Terceiro

• Horto de abaixo
• As prantas aromáticas.

Cuarto

• Mural das árbores.
• Horto de abaixo.

Quinto

• Recollemos novas ecolóxicas da prensa
• Facemos un diccionario ecolóxico.

Sexto

• Auga das fontes de Bembrive. Análise. Rotulación
• Colaboramos coa Entidade Local Menor de Bembrive no coidado e limpeza do sendeiro do río Eifonso.
• Visitamos e coñecemos-los muíños

A experiencia

No C.E.I.P de Chans-Bembrive (Vigo) seguimos traballando, un ano máis, con ilusión e constancia para conseguir obxectivos que teñen cabida dentro do plan ideolóxico do noso centro.

Un destes obxectivos é sensibilizar á comunidade escolar e fomentar actituades e conductas positivas e respetuosas cara o medio natural que nos rodea: creando un ambiente favorable, aproveitando a nosa localización xeográfica, para levar a cabo actividades que axuden nesta tarefa.

Un ano máis participamos no concurso de Voz Natura ao longo do curso 2006/07 para dar continuidade aos proxectos iniciados nos cursos pasados, nos que algunhas das actividades quedaron sen rematar (por falta de tempo) e o alumnado, cheo de ilusión, desexa levar a cabo novas experiencias que rachen coa rutina escolar e ao mesmo tempo potencien o coñecemento e o coidado do medio natural que nos rodea.



Comezamos a nosa nova andaina: outubro 2006

O primeiro paso foi presentar (por parte do coordinador/a) o programa de actividades que se consideraban oportunas para acadar os obxectivos programados. Neste momento, fixáronse datas concretas e outras aproximadas para levar a cabo as actividades… E, sobre todo, creouse un ambiente faborable e receptivo a esta nova experiencia.

Ao longo do curso sería preciso modificar ou introducir novas datas na realización das actividades; por mor do tempo, da dependencia doutras persoas ou entidades… pero todo se foi resolvendo favorablemente.

A entrada da escola foi o punto de referencia para todo os nenos e nenas do colexio. E alí estiveron expostos os murais que anunciaban a nova convocatoria de Voz Natura, a mesa cos colectores para a recollida das pilas asi como diferentes murais que se foron variando ao longo do curso . No resto da escola (nos pasillos sobre todo) ían aparecendo novas mensaxes, en forma de murais, ante os cales o alumnado se paraba para ler e comentar.

Deste xeito transversal foron aparecendo valores de: solidariedade, respecto, pracer e disfrute natural… tamén xorden datos sobre a flora e fauna da zona, da auga, dos manaciais e lavadoiros… datos xeográficos do río Eifonso, do monte do Pouso, da Carballeira de San. Cibrán, do Monte Galiñeiro e datos de investigación e asesoramento sobre a deforestación causada sobre todo polo lume.

Hai que mencionar a colaboración por parte dos pais e nais do noso alumnado, de persoas próximas a escola, da Entidade Local Menor de Bembrive, do Concello de Vigo (Laboratorio Municipal), o Colectivo Galego de Montaña,… que facilitaron en moitos casos a tarefa da escola. Colaboración que se reflectiu por exemplo no maior coñecemento das árbores do noso xardín (que son moitas), na recollida de pilas, no horto, na reciclaxe, no coñecemento das augas, do Monte Galiñeiro…

Tamén destacamos o feito de que a prensa (La Voz de Galicia) fixose eco do noso proxecto dando conta do desenvolvemento do mesmo e do noso entusiasmo, o memo tempo que avanza algunhas das novedades que se levarían a cabo ao longo do curso.

No inicio do curso repartíronse, a igual que no curso pasado, axendas escolares a todos os nenos e nenas desde 2º ata 6º. Estas axendas, elaboradas totalmente en papel reciclado, levan no seu interior mensaxes ecolóxicas e viaxaron ao longo de todo o curso nas mochilas do alumnado servindo como medio de comunicación entre o profesorado e os pais e nais dos alumnos e alumnas.

E así, pouco a pouco pero con moita ilusión, foise levando a cabo esta experiencia da que nos sentimos moi orgullosos e orgullosas e que fai que vexamos o noso futuro con máis optimismo posto que estas novas xeneracións de nenos e nenas estanse formando nun medio natural fermoso e concienciándose da importancia que ten a súa conservación e esto faraos responsables nos seus futuros traballos.

Para rematar, dicir que os nenos e nenas seguen demandando a continuidade destes proxectos polo interés que neles e nelas suscita. Mestres e mestras estamos tamén interesados na súa continuidade .


Actividades desenvolvidas

Ao longo de todo o curso leváronse a cabo variadísimas actividades para o desenvolvemento do noso proxecto das que damos conta neste resume que ademais ilustramos con algunhas fotografías que recollen momentos inolvidables para o alumnado.


Actividades dentro do recinto escolar


1.- Os froitos do Outono

A primeira experiencia que tiveron os alumnos e alumnas, foi poder coñece-los froitos do outono gracias a unha exposición que se fixo na entrada da escola ao longo do mes de outubro. Figos, castañas, marmelos, mazás, uvas, feixoas… fixeron as delicias dos cativos e cativas que mesmo estaban tentados a comelos. Esta exposición levouse a cabo coa colaboración dos nenos e nenas de infantil e de quinto de primaria.

2.-O Magosto

O magosto foi a seguinte actividade na que participaron todos os nenos e nenas da escola en colaboración co profesorado. Nun recinto próximo o colexio preparáronse as correspondentes fogueiras (unha por nivel) onde pouco a pouco e coa colaboración de todos e todas se foron asando as castañas e os chourizos que despois do seu reparto degustamos con grande pracer.

3.- Separar para Reciclar no Comedor

Dado que o colexio conta cos colectores apropiados para a reciclaxe, tamén no comedor se seguen separando: bricks, latas, envases de plástico materiais orgánicos… en diferentes cubos de lixo despois da comida (tarefa que fai cada neno/nena).
Despois, por grupos, nenos e nenas de 6º son encargados e encargadas de levar aos colectores, colocados fora do recinto escolar, os diferentes materiais separados.

4.- Separamos para Reciclar nas Aulas

En cada aula, coa axuda de caixas, fixéronse "pequenos colectores" para poder separar o papel do plástico e envases (iogures), briks (de zumes ou do leite)… e así todos e todas colaboramos.

5.- Unímonos contra o lume

Nenos e nenas de primaria tiveron a oportunidade de ver os devastadores efectos do lumen e a degradación dos montes que causan os incendios grazas as imaxes que a través de ordenador poideron ver, o mesmo tempo que un experto monitor lles ía explicando, motivos e causas que podias orixinar os incendios, teléfonos de emerxencia os que chamar, que facer en caso de ser sorprendidos polo lume…etc.

Non faltaron nestas charlas, roupas e diferentes utensilios con que os bombeiros loitan no monte contra o lume, os cales os nenos e nenas poideron ver e tocar, para familiarizarse con eles.

6.- As Letras Galegas

Con motivo da Semana das Letras Galegas que celebraremos na escola en maio, o Equipo de Normalización Ligüística quixo unirse a Voz Natura e convocou, para todos os niveis educativos, un concurso co lema RESPIRO EN GALEGO, no que cada neno e nena diseña unha pegatina, para elexir, logo, a mellor que se mandará imprimir para toda a escola.
Suliñar tamén que o lema das letras galegas que se elexiu no colexio fai referencia a natureza. O noso eslogan será: GALICIA VERDE.

Este mesmo equipo quixo relacionar tamén os textos literarios dos nosos poetas e poetisas coa natureza e para iso os nenos e nenas de todo o colexio recolleron follas das diferentes árbores do xardín, que puxeron a secar, para logo facer un gran mural en forma de árbore, coas follas e o texto literario escrito debaixo, facendo referencia a NOSA GALICIA VERDE.

Ademais destas actividades desenvoltas por todo o alumando, levaronse a cabo moitas e variadas actividades de aula: semente de prantas aromáticas, charlas sobre a deforestación, murais, semilleiros de árbores autóctonas, coidado de horto escolar...



• As Chans: fonte de vida (curso 2004/05)
• Nas Chans hai vida: ven a descubrila (curso 2006/07)
• Reciclamos hoxe, pensamos no futuro (curso 2007/08