Xosé Manuel Beiras: A dignificación da lingua oral
Dentro das Xornadas de Oralidade que se foron celebrando no instituto os días 27 e 28 de abril puidemos contar cun ilustre veciño de Brión, o profesor Xosé Manuel Beiras Torrado, que nos expuxo dunha maneira moi didáctica e amena o percorrido que viviu a lingua galega para facerse lingua de uso oral público e como a súa xeración traballou pola elaboración dun nivel culto e que el persoalmente soubo elevar a grande altura nos seus discursos parlamentarios, seguindo os vieiros dos seus mestres.