Tanto as fórmulas maxistrais como os preparados oficinais, que se preparan nas oficinas de farmacia e servizos farmacéuticos hospitalarios, deben dar garantías de identificación . Para iso os envases deben levar unha etiqueta na que se ofreza información sobre os seguintes datos:

• Datos da farmacia (nome e número de identificación).

• Fórmula maxistral:

  • Composición (cualitativa e cuantitativa), incluíndo os excipientes de declaración obrigatoria .

  • Vía de administración e posoloxía.

  • Nome do médico prescritor.

  • Nome do doente.

  • Data de elaboración da fórmula.

  • Caducidade.

  • Condicións de conservación, se fose o caso.

  • Número de rexistro no libro recetario : Todas as fórmulas maxistrais dispensadas nunha oficina de farmacia deben quedar rexistradas no libro receitario, debendo constar na etiqueta o número de referencia. No caso de que a fórmula inclúa psicótropos ou estupefacientes, a dispensación tamén debe quedar rexistrada no libro de contabilidade de estupefacientes .

Esta unidade complementa o aprendido na unidade 1 sobre información nas fórmulas maxistrais . Fíxate no etiquetado e nos criterios de información que debe constar na etiqueta. Repasa os conceptos de fórmula maxistral, preparado oficinal e posoloxía. Repasa o aprendido sobre o libro receitario e o libro de contabilidade de estupefacientes .