|
 .
 |
| O Centro |
 |
| O centro |
| Situación |
| Instalacións |
Patrimonio  |
| Histórico |
| Natural |
| Inmaterial |
Patrimonio Histórico
|
O A Carabela Pinta.
Existe en Baiona un único "museo", chamado "Museo de la navegación". É unha réplica da Carabela Pinta que fondeou en Baiona nos primeiros dias do mes de Marzo do ano 1493, traendo consigo a noticia da descoberta dun novo mundo.
Á parte dos monumentos relixiosos, o que mais abunda en Baiona son referencias monumentais á xesta Colombina, mesmo a festa que celebra a Arribada tense covertido na principal celebración da vila. Trátase dunha maneira edulcorada o tema da descoberta, conquista e colonización mesmo escondendo outras realidades moi próximas ó noso e ensalzando unha época que precisamente foi negativamente determinante para o antigo Reino de Galiza. Cabe pois que cando menos nós tentemos desvelar o que quizais se esconde.
O "Museo da Navegación" é quizais o monumento mais visitado polo turismo que se achega a Baiona. Dentro da carabela atopamos productos traidos das américas, incluindo unha parella de indios que dispoñen durante a travesia dun pequeno ainda que cómodo espazo para a súa viaxe en representación do pobo indíxena das Americas como se deixa entender na obra que se representa na festa da Arribada.
(Dende hai xa algunhas décadas, un grupo de entusisastas intentan implicar ás autoridades e distintas administracións na musealización dos Eidos dos Lameiros, unha das mais importantes das nosas estacións rupestres.)
Pero ademais, o feito de chamarlle "Museo da Navegación" a esta réplica das naos de Colón deturpa aimaxe dos nosos mariñeiros e mareantes que de sempre foron navegantes en todo tipo de xeiras e navios.
E frente ás celebracións que dende o Quinto Centenario se propuxeron, non podemos esquecer todo o movemento de repulsa que tamén se deu e que , dende logo non se celebra nas nosas festas.
Ó final, o recurso didáctico que se pode propoñer é precisamente ese achegamento crítico á historia que xa Nebrija apontaba sen querelo no prólogo e adicatoria da súa gramática, que habería de servir para ensinar ós nativos das Indias o idioma que lles abriría as portas á Palabra do Deus dos Reis Católicos, cando dí "que siempre la lengua fué compañera del Imperio", o que vale tamén para introducirnos na sociolingüística do conflicto Galego-Castelán e do cambio de cultura, e de lingua como vehículo desa cultura, como parte fundamental do proceso colonizador.
Ademais da Carabela e do Club de Iates ou dos portos deportivos, existe una Baiona real onde fondean as gamelas e os barcos e lanchas da pesca e o mesmo Pinzón, a quen se lle dedica estatua por navegante, antes de embarcar para As Americas, de seguro foi mariñeiro na costeira dos mares de Baiona.
A carabela foi feita nun asteleiro de ribeira de A Guarda, e foi comprada polo concello recentemente despois de algúns anos en alquiler.
|