Adiviñas da Castaña
Isto vai de adiviñas!
Alto piquete,
Manuel Cabalete,
por dar una risada
perdeu o que levaba.
(Recollida en Biobra por Daira)
Unha cousa que vive na devesa
e vaille picar o cú á artesa.
(Recollida por Julia Calvo en Casaio)
Redondiña e moreniña,
un pouco aplastada.
Pódese comer crúa,
cocida ou asada.
(Recollida por Miguel en Entoma)
Son pequeña
e a miña cor é marrón,
cando chega o outono
métenme no fogón.
(Recollida por Brais en Sobradelo)
Cal é a cousa, cal é ela
que ten tres capas de inverno:
a primeira mete medo,
a segunda é lustrosa
e a terceira amargosa.
(Recollida por Alexia en O Barco)
Alta me vexo
no meu capelexo,
véxote vir
e non podo fuxir.
(Recollida por Lucía García en OBarco)
Son de cor chocolate,
ábrese coa calor
e se as botas ao lume
estoupan con gran sabor.
(Recollida por Lorena en O Barco)
Ten pelexo coma a xente.
É moi boa para comer.
Chega polo mes de Santos
e todo o ano a tés.
(Recollida por Rebeca en O Barco)
Se nos poñen no lume,
sempre explotamos despois.
Cómennos no inverno
e veñen ao campo a collernos.