|
| |
   
DATOS DE
INTERESE
Ten aproximadamente un millar de
habitantes repartidos polos barrios de: A Arrotea, Baceiro, Outeiro, Carregal de
Abaixo e Carregal de Arriba. A parroquia de Amorín ( San Xoán ) está situada a ambas marxes da
C-550 dirección Tui-A Guarda.
ATRACTIVOS ARQUITECTÓNICOS
- IGREXA datada no ano 1780. Con anterioridade estaba emprazada no barrio de
Baceiro. Na actualidade atópase nunha explanada arredor do atrio. Alí emerxen
árbores de distintas especies. Este recinto está presidido por un fermoso
cruceiro de 1900.
-
RUÍNAS DUN ANTIGO CASTELO: O castelo foi construído enteiramente
polo
capitán xeneral de Galicia don Vicente Gonzaga cara o ano 1657 (s. XVII). Foi
ampliado, máis tarde, cuhna obra coroada por don Luis de Poderico. Tras a
ampliación, o primitivo edificio, viuse mellorado cun recinto de dous baluartes
enteiros, dous medios e tres revelÍns de revestimento exterior, todo isto co seu
correspondente foso e camiño cuberto. Así mesmo, construíuse unha plataforma
de artillería cara ó río. Este castelo tiña varias dependencias
interiores, como: a casa do Gobernador, cuarteles e corpos de garda. Trátase
dunha fortaleza de construcción terreña con profundos fosos.Xa nos informes militares do século XVIII descríbeno nun estado ruinoso.
Na actualidade, esta fortificación, atópase mergullada entre a vexetación facendo
,da súa
visita, unha experiencia apta para aventureiros intrépidos. Para o seu encontro,
o
visitante precisará facer unha pequena investigación topografíca da zona debido
ás escasas indicacións existentes. De tódolos xeitos a mellor maneira de
chegar é preguntando ós
veciños polo seu emplazamento exacto. Unha vez alí os seus fosos dificultarán
o
acceso ata tal punto que, se non se fai pola súa entrada principal, pode
converterse a visita nunha tarefa imposible.
-
O MUIÑO DO CULANDRÓN
-
AS AREEIRAS DE AMORÍN Embarcadeiro fluvial, nomeado así,
pola xente porque, antigamente, unha empresa adicábase á extracción de area do
río neste lugar. Esta
tarefa, moi expandida o longo do Miño, hoxe xa caeu en desuso. Aquí, os Pescadores do Miño,
concentran unha pequena flota pesqueira de embarcacións en forma de media lúa,
de orixe nórdico que navegan a remo, a vela ou a motor. Cos trasmallos,
lampreeiras, alcharifes e outras redes pescan sables, lampreas, salmóns,
meixóns ,e demáis especies do río.
FESTEXOS E ROMERÍAS
- A VENERACIÓN A VIRXE DA AGONÍA Destaca entre os festexos máis
importantes desta parroquia. Celébrase no terceiro domingo de agosto con
distintos actos de carácter festivo. O sábado pola tarde, engalánanse os
tractores que, a modo de carrozas, desfilan polo recinto da festa, sendo un dos
principais atractivos xunto coa proclamación da raíña de damas en honra da
súa patrona. As carrozas supoñen unha árdua labor na que participan os
veciños de cada barrio, durante todo o ano, aproveitando materiais naturais
|
