CEIP SOBRADA

O que supoñen para os docentes
O que supoñen para os alumnos

Os principios metodolóxicos adoptados implican, na práctica, a adopción de determinadas estratexias de traballo na aula relativas á organización dos distintos contidos curriculares, ós agrupamentos e á distribución do espacio e do tempo. A integración das decisións adoptadas en relación a todas estas variables metodolóxicas foinos levando a traballar os contidos a través dos PROXECTOS e OBRADOIROS, posto que...

PARA OS DOCENTES:

• Constitúen un exercicio de formación permanente do profesorado: reflexión sobre a práctica e resolución de problemas mediante actuacións planificadas.

• Promoven actuacións solidarias e concordantes, facilitando os procesos cooperativos e o traballo en equipo e evitando a rutina e as actuacións contradictorias.

• Contribúen a darlle unha mellor resposta ás necesidades dos alumnos-as na medida en que demandan unha actuación docente suficientemente flexible como para permitir a adaptación ás necesidades dos alumnos-as en todo o proceso de ensinanza- aprendizaxe toda vez que teñen momentos de actividade e momentos de observación, actividades articuladas que favorecen diferentes formas de relacionarse (grupos fixos e móbiles con distribución de reponsabilidades) e con distintos niveis posibles de realización e utilización dos contidos de aprendizaxe.

• Permiten poder contar coas aportacións e os coñecementos dos alumnos-as, tanto ó inicio das actividades como durante a súa realización.

• Ofrécennos a posibilidade de facer as regulacións moi próximas ó momento no que o alumno-a se atopou coa dificultade evitando que esta se vaia convertindo en insuperable.

• Favorecen o aproveitamento dos recursos tanto humanos como materiais.

• Facilitan a valoración dos alumnos-as segundo as súas capacidades e o seu esforzo, tendo en conta o punto persoal de partida e o proceso mediante o que adquiren coñecementos e incentivando a autoavaliación das competencias como medio para favorecer as estratexias de control e regulación da propia actividade. Para contribuír a este fin presentámoslles actividades de avaliación para que entendan que é posible avanzar se se realiza o traballo e o esforzo suficientes.

• Serven de pauta de referencia para a avaliación formativa interna.

PARA OS ALUMNOS E ALUMNAS:

• Favorecen a toma de conciencia por parte do alumnado de estar integrados nunha comunidade.

• Axúdanlle a atoparlle senso o que fan que se enmarca e inclúe nun proxecto global.

• Supoñen o establecemento de retos ó seu alcance (ZDP) que poidan ser superados co esforzo e a axuda necesarios posto que teñen actividades de distintas dificultades e destrezas para ir axustando o máis posible as respostas ás posibilidades de cada neno e nena.

• Facilitan as interaccións entre nenos-as de diferentes ritmos e estilos de aprendizaxe (evitando a división entre alumnos-as "bos" e "con problemas") e fan posible que os alumnos-as con maior facilidade para a aprendizaxe se orienten cara a realización de actividades máis complexas. Intentamos así evitar que os nenos-as perdan interaccións e actividades de aprendizaxe que se producen na aula e que non se desmotiven polo feito de repetir actividades e procesos de aprendizaxe que xa realizaron antes.

• Promoven a actividade mental autoestructurante que lles permite os alumnos-as elaborar unha representación persoal dos contidos obxecto da aprendizaxe, asumilos, interiorizalos e integralos nos propios esquemas de coñecemento. Esto é posible porque o traballo deste xeito non se limita a acción comprensiva exclusivamente senón que lles permite os nenos e nenas ver, tocar, experimentar, observar, manipular, exemplificar, contrastar, aplicar, analizar e avlaiar o traballo tanto en situacións de actividade individual como en situacións de actividade compartida.

• Facilitan a formación das estructuras metacognitivas.

• Potencian progresivamente a autonomía dos alumnos-as na realización das accións fomentando o traballo independente así como a maneira de organizarse e actuar para aprender a través de situacións nas que deban utilizar autonomamente os coñecementos construídos.

• Facilitan o establecemento dun ambiente e unhas relacións de respecto e confianza que promoven a autoestima e o autoconcepto.

• Permiten o traballo dos contidos de carácter conceptual relacionados co coñecemento dun tema transversal (actitudes) ligado a realidade.

• Promoven o traballo sistemático de contidos procedementais e a utilización de determinadas estratexias cognitivas asociadas a "aprender a aprender".

• O coñecemento obtido é suficientemente importante como para que as conclusións se comuniquen os outros dentro e fóra da escola a través de murais, montaxes, xornal escolar, charlas,etc.