Besbello Net4

Comenzamos un novo mes no que imos recolle-los froitos do traballo anterior, estan a brota-las flores dos narcisos. Elas van alegra las nosas clases e tamén o patio. Veremos medra-las azaleas e teremos que facer unha boa limpeza de malas herbas. Lembrade que plantas como a Oxalis e Fumaria están polo medio dos bulbos e teremos que retiralas porque pronto formarán unha maraña que afogará o que plantamos.

Estas preciosas flores que están a saír teñen una bonita lenda. Dí a Mitoloxía que o mozo Narciso namorouse dunha imaxe que viu reflectida nunha fonte. Ó tentar achegarse a esa fermosa criatura (era el mesmo) afogou nas augas. Nese lugar medraron os Narcisos.

A Fumaria officinalis é unha planta medicinal usada desde a antigüidade coma depurativa.

A Oxalis pes-caprae, coas follas tan semellantes ás dos trevos, ten moitas variedades decorativas usadas nos xardíns.

Estes días estamos a ver nenos e nenas que traen ó Colexio plantas de Oxalis para chucharlle-lo zume, chamanlles "vinagretas". Non se debe facer porque o zume desta planta é tóxico. Contén oxalatos que poden depositarse nos riles (cálculos renais).

Reciclamos

Este mes imos lembrar, unha vez máis, a necesidade de aforrar recursos naturais. Agora tócalle ó papel. Lembra que temos que reciclar tódolo que poidamos para aforrar árbores. Os bosques son os pulmóns da terra, moitos están a desaperecer e con eles a fauna e flora que acollen.

Papel, mellor de varios tipos.Auga, é imprescindible para o proceso.Unha batidora para tritura-lo papel.Un recipiente para o ablandado do papel.Un bastidor (cun molde con malla metálica, e unha forma).Unha prensa para aplana-lo papel.

O primeiro que temos que facer é prepara-la pulpa de papel facendo anacos moi pequenos e cubrindo con auga. Esta operación vai durar polo menos 24 horas. Pódese aclara-la auga para limpa los restos das tintas. Logo pasamos a tritura-la pasta cunha batidora. Máis tarde metemo-lo bastidor no recipiente e retirámolo coa pulpa entre ás duás partes.

Volcamo-la pulpa nun pano de algodón e deixamo que perda auga. Esta operación e mellor facela cunha prensa. O secado pódese facer cun ferro de pasar ou deixándo o papel nunha baldosa.

Estamos a ver nestes días a floración das acacias. Hai moitas variedades aclimatadas na nosa terra. Aínda que orixinarias de Australia atópanse coma na súa casa. O problema é que estas árbores ornamentais poden chegar a ser invasoras dada a súa capacidade para reproducirse. Háinas de moitas cores e variedade de follas, dende as moi divididas da Acacia dealbata ata as follas máis parecidas ás dos salgueiros coma as da Acacia salicina.

Unha petición de actualidade

Máis novidades no xardín

Desde hai uns días podedes ver azaleas que estan a dar máis cor na entrada. Esperemos que todos vaian afacendose a elas e non as pisen cando esperan, ás horas de entrar e saír do Colexio. Lavanda, acivro, incenso e romeu están a medrar moito

Unha boa nova, o tratameno da 'cochinilla algononosa' do mandarino tivo efecto. Aquí están os froitos, moi pequenos. As follas aínda teñen restos do fungo negrilla, pero está cheo de flores.

Moi ben

A iniciativa da Comunidade de Madrid de pór un "Hospital de plantas", nel recollen todas aquelas que os veciños achegan por non poder ou non saber coidalas. Unha vez recuperadas poden recollelas ou plantalas en xardíns públicos. Este servicio amplíase ós colexis da zona que deixan as súas plantas durante as vacacións de verán.

Podes saber máis desta iniciativa na ligazón:

http://www.madridiario.es/reportajes/reportaje-hospitalplantas.jsp

Vai ó mes de marzo