Benvidos a esta primeira edición na rede do 'Besbello.Net' a que vai se-la voz, das actividades, do Grupo Voz Natura do Colexio. Aquí poderás atopa-las novas que se produzan e que teñan relación co Medio Ambiente. As felicitacións e denuncias dos feitos, respectuosos ou non coa Natureza, os traballos dos compañeiros, as peticións de axuda para unha acción concreta... Contamos con tod@s para que o noso Colexio sexa un exemplo de civismo, respecto e coidado do entorno, e que isto sexa un motivo máis de orgullo.

Desde aqui pedimo-la vosa colaboración para o labor de limpeza do patio nos recreos, pensamos que será un bo exemplo (velo limpo) para aquelas persoas que tiran o lixo nel. Pedimos tamén a colaboración (dos adultos) para facer un valado nas zonas onde imos plantar. Gracias a tódolas persoas que xa se ofreceron para colaborar. Unha visita inesquecible

Queremos desexar unha longa vida ó noso visitante "Pio Pio Lope, o paxariño miope" que o mesmo que o do conto, parece que non andaba moi ben da vista. Apareceu na clase de Inglés, e tentou sair pola fiestra que estaba pechada. Despois dun ratiño con nos, poido recuperarse e volveu á súa árbore.

Imos propoñervos tamén unha acción que está a levar a cabo o grupo Greenpeace en todo o mundo, para defender os bosques primarios.

Atoparedes información, de como facelo, na páxina: JAB's

Moi Ben

Aquí imos poñe-las fotografías e textos de feitos que sexan un bo exemplo no respecto á Natureza.

O Concello de Oleiros ten este sinal que advirte do paso de peóns e patos, para que sexan respectado-los seus dereitos.

Un bo exemplo de amizade. Bess explora un novo territorio baixo a mirada atenta do seu novo amigo.

Tamén imos denuncia-lo que está mal.

Moi Mal

¿Sabedes o tempo que tarda en descompoñerse unha lata de aluminio? Non se descompón. Non se vai incorporar á terra por moitos anos que permaneza no chan.

É moi triste atopar unha fermosa árbore coma esta cos destrozos feitos por alguén que non sabía os beneficios que nos están a facer.

"Convertid un árbol en leña y podrá arder para vosotros; pero ya no producirá flores ni frutos"

Rabindranath Tagore

Na mañanciña do día 25 tivo lugar o nacemento dos fillos da nosa parella de hamsters. Todos se atopan en perfecto estado

Son tres e moi pequeniños, como podedes ver. Faremos o seguimento día a día para ve-los progresos que vaian facendo. A familia Bess-Bello voltará ó Colexio cando as temperaturas sexan un pouco máis estables. ¡Ide pensando nos nomes!

Por un colexio máis "verde"

Coas primeiras chuvias chegaron os cogomelos ós nosos campos. Aquí tedes o traballo de Guillermo, de 5ºB, que ademais de achegarse ós montes cos ollos moi abertos, quere compartir con todos os seus achados. É unha fantástica mostra do que podedes atopar moi perto da cidade.

"Redondiño, redondiño como un pé dun borriquiño, tantas folliñas ten, que non llas conta ninguén"

Outra vista deste fantástico traballo, que ademais dos cogomelos recrea a flora onde foron atopados e di os que son velenosos.

Grupo Voz Natura ¿Queres facer algunha suxerencia?

Comenzamos nosas actividades cunha carta ós responsabeis do mantenmento do xardín do Colexio, xa tivemo-la visita dos xardineiros, prometeron da-lo tratamento ás árbores afectadas polas cochinillas, pulgóns e fungos.

Se tedes algunha 'receita' da avoa e queredes compartila connosco...