Un mes máis atopámonos aquí para lembra-los traballos que se están a facer na procura dun Colexio máis comprometido coa natureza, coa solidariedade, co desarroio sostible... en resumo con nós mesmos, xa que todo iso é ser mellores persoas.

"Os recursos do planeta esgótanse. Se realmente importa o futuro, deixemos de confiar en que os demais resolvan tódolos problemas, correspóndenos a nós salvar o mundo para mañá: depende de ti e de min." Jane Goodall (premio Príncipe de Asturias á Investigación Científica).

Suxerimos unha fantástica páxina web na que hai moitos consellos para medrar na tarefa de coida-la terra.

http://www.cortafuegos.com/index.php?pag=ant_cosassencillas

Dende a nosa páxina queremos dar unha aperta virtual a tódalas persoas que sufriron esta grande traxedia na súa familia, nos seus amigos e compañeiros, nos seus veciños. Estamos con eles na defensa da vida e da Paz, e desexamos que o movemento de solidariedade que brotou desta catástrofe, sexa quen de evitar feitos coma este.

Foto-denuncia

Unha das primeiras fotos de Paloma, do Grupo Voz Natura, coa súa recén estreada cámara. Sentiu moita magoa de ver papeis nas árbores, lixo fora dos contedores... Tamén botou en falta, nesa paisaxe, árbores que lembraba non hai moito.

Minnie (a filla da nosa parella de hamsters) xa ten dono. Trátase de Miguel de 5ºB. Os dous atópanse moi ledos coa súa amizade.

Lembrade que si hai máis interesados/as na adopción destes simpáticos animais, poderíamos xuntar de novo ós pais. ¡Animádevos! son moi agarimosos e agradecidos.

Podedes facer as solicitudes na dirección do grupo Voz Natura do Colexio: grupovoznatura@edu.aytolacoruna.es

Durante a próxima semana imos plantexar nas nosas clases unha enquisa sobre os hábitos de respecto pola natureza, aforro de enerxía, auga e papel... e tamén prácticas de selección do lixo. Queremos facer un estudio do cambio, ou non, das actitudes nestes temas.

Podes face-la desde aquí e saberás cal é a puntuación correspondente ó teu comportamento co medio ambiente.

Os alumnos de 5ºC teñen na súa clase os ovos dos que esperan obter, na primavera, os vermes de seda.

De momento, a súa carta de petición á Concelleira de Parques e Xardíns do noso Concello, xa tivo resposta.

A moreira xa está no xardín.

Aquí tedes o antes e despois da plantación.

Temos moitas esperanzas aínda que xa está "espertando" (algúns dos brotes xa están á vista). Tambén as raices estaban á vista... Esperamos que o agarimo con que a imos coidar... faga o milagre.

Neste mes de marzo imos celebrar moitas datas relacionadas co Medio Ambiente: o Día Forestal Mundial, o Día Mundial da Auga, o Día Meteorolóxico mundial... nós imos lembrar que todo está relacionado, que non serían necesarios estes Días se todos tivesemos claro que somos herdeiros da Terra e temos que conservala. Imos facelo cun precioso texto, aínda que as dúbidas sobre a súa autoría son moitas.

Preme na aguia

Dende aquí sumámonos á campaña pola defensa dos ríos galegos. É unha magoa ve-lo abandono no que se atopan as beiras, e supoñemos que aínda será peor o que non vemos, a contaminación, verquidos, sobreexplotación...

Visitade una magnífica web que ten todo sobre os nosos ríos e fantásticas fotos dos seus moradores. Preme no peixe