Xeral | 19 Marzo 2013 12:08 am
XUNTANZA IMPORTANTE XOVES, 21 MARZO, 17 H. IES PONDAL
AOS PAIS E NAIS DO ALUMNADO DE 6º DE EDUCACIÓN PRIMARIA DOS CEIP QUIROGA PALACIOS E ROXOS E DO COLEXIO A MILAGROSA
Prezadas familias:
Nesta semana na que os alumnos e alumnas de sexto de primaria teñen que facer a reserva de praza nos centros de ensino secundario aos que están adscritos, dende a ANPA do IES Eduardo Pondal temos o gusto de convidarvos a unha reunión informativa sobre este centro que terá lugar o xoves, 21 de marzo de 2013, ás 17.00h no IES Eduardo Pondal.
Para isto contaremos ca presenza do Director do instituto, teremos a oportunidade de coñecer o Centro e compartir as nosas dúbidas.
Como seguramente saberedes, neste próximo curso, o CEIP de Ventín deixará de estar adscrito ao noso Instituto, xa que comezará o seu funcionamento o IES do Milladoiro. Isto suporá algúns cambios (sobre todo no transporte).
Esperando saudarvos en persoa o xoves, recibide un cordial saúdo
A Xunta Directiva da ANPA do IES Eduardo Pondal
