|
 .
 |
| Tecnoloxía |
 |
| Principal |
| A Tecnoloxía |
ESO  |
| Obxectivos |
| Contidos |
| Metodoloxía |
| Proxectos |
| Bacharelato |
| Materias e Contidos |
| Optativa 3º e 4º ESO |
| IP á Mecánica |
| Recursos |
A Tecnoloxía no Bacharelato: Materias.
As materias impartidas polo Departamento de Tecnoloxía no Bacharelato son as correspondentes á Modalidade de Tecnoloxía:
- 1º de Bacharelato: Tecnoloxía Industrial I
- 2º de Bacharelato: Tecnoloxía Industrial II, Electrotecnia e Mecánica.
Nestas materias estúdanse contidos tratados nas carreiras universitarias de enxeñerías (técnicas e superiores) e arquitectura. Podes ver aquí un documento que relaciona os contidos destas materias cos contidos estudiados na universidade.
En determinados ciclos de Formación Profesional de Grao Superior establécense prioridades de acceso segundo as materias e modalidades cursadas. 24 especialidades de FP relacionadas coa actividade tecnolóxica establecen prioridade de acceso para aqueles alumnos e alumnas que cursaron as materias de Tecnoloxía Industrial, electrotecnia e mecánica. Podes ver aquí a relación.
A Tecnoloxía no Bacharelato: Contidos.
As materias de Tecnoloxía Industrial I e II proporcionan coñecementos básicos sobre o mundo tecnolóxico e os distintos campos da actividade industrial, para poder analizar o funcionamento, utilización e forma de control de máquinas e sistemas técnicos, comprender o desenvolvemento dos procesos tecnolóxicos, e valorar criticamente as repercusións da actividade tecnolóxica na vida cotiá e na calidade de vida. Trabállase mediante a resolución de problemas, simulación, actividades prácticas, y análise teórica de sistemas.
Tecnoloxía Industrial I (1º Bacharelato)
- O proceso e os productos da tecnoloxía: Planificación e desenvolvemento dun proxecto de deseño, producción e comercialización dun producto tecnolóxico.
- Recursos enerxéticos: Obtención, transformación e transporte de enerxía. Sistemas técnicos para o aforro enerxético.
- Materiais: Propiedades, obtención e transformación de materiais de uso técnico.
- Elementos de máquinas e sistemas: Sistemas mecánicos e os seus elementos. Circuítos eléctricos e electrónicos. Circuítos pneumáticos e oleohidráulicos.
- Procedementos de fabricación.
Tecnoloxía
Industrial II (2º Bacharelato)
- Materiais: Ensaios e medidas das propiedades dos materiais. Modificación e transformación das propiedades dos materiais.
- Principios de máquinas: Motores térmicos, motores eléctricos, circuítos frigorífico e bomba de calor, potencia, rendemento, etc.
- Sistemas automáticos: Elementos que compoñen un sistema de control: transductores, captadores e actuadores. Estructura dun sistema automático: entrada, proceso, saída. Montaxe e simulación de sistemas de control.
- Control e programación de sistemas automáticos: Control lóxico de sistemas, circuítos dixitais, circuítos secuenciais, control programado.
- Circuítos pneumáticos e oleohidráulicos: Elementos de accionamento, regulación e control. Circuítos característicos de aplicación. Automatización.
Electrotecnia (2º Bacharelato)
A
electrotecnia estudia as aplicacións técnicas da electricidade.
O campo disciplinar abrangue o estudio dos fenómenos electromagnéticos
dende o punto de vista da súa utilidade práctica, as técnicas
de deseño e construcción de dispositivos eléctricos
e electrónicos característicos, xa sexan circuítos,
máquinas ou sistemas complexos, e as técnicas de cálculo
e medida de magnitudes neles.
- Conceptos e fenómenos eléctricos e electromagnéticos. Realízase un repaso das magnitudes eléctricas fundamentais e dos principios e leis que as fundamentan.
- Circuítos eléctricos: Estudio teórico e práctico dos circuítos de corrente continua e alterna. Deseño de circuítos.
- Máquinas eléctricas: Transformadores, xeradores, alternadores, motores de corrente continua e alterna.
- Circuítos electrónicos. Compoñentes electrónicos, circuítos electrónicos básicos. Montaxes prácticas.
- Medidas electrotécnicas. Medida de magnitudes básicas en corrente continua e alterna e instrumentación.
Mecánica (2º Bacharelato)
A
materia de mecánica trata os fundamentos e funcionamento dos elementos
mecánicos máis significativos de estruturas e máquinas.
- Unións e accións mecánicas: Sistematización e esquematización das unións e accións mecánicas que se poñen en xogo en máquinas e estruturas.
- Estudio estático de estruturas e mecanismos: Equilibrio e estabilidade estrutural. Estruturas con elementos articulados. Estudio estático de mecanismos planos.
- Resistencia de materiais: Elasticidade e plasticidade dos materiais. Esforzos de tracción, compresión, cortadura, flexión e torsión en elementos de máquinas e estruturas.
- Estudio cinemático de máquinas e mecanismos: Movemento plano e relativo aplicado a máquinas e mecanismos.
- Estudio dinámico de máquinas e mecanismos: Determinación das accións das forzas sobre máquinas e mecanismos.
- Mecánica de fluídos: Comportamento estático e dinámico dos fluídos e aplicacións en sistemas e máquinas.