A Tecnoloxía na ESO: Contidos

Bloques de Contidos tratados nos 4 cursos:

Materiais de uso técnico: propiedades e aplicacións dos diferentes materiais dos que están fabricados os obxectos. Técnicas básicas de manipulación para poder construír os proxectos con diferentes materiais.

Técnicas de expresión e comunicación gráfica: ferramentas necesarias para a comunicación de ideas e o deseño de proxectos técnicos. Bosquexo, esbozo, planos, vistas, acotación, perspectiva, deseño asistido por ordenador.

Estruturas e mecanismos: comprensión do funcionamento das máquinas e deseño e fabricación de sistemas sinxelos. Elementos resistentes das estruturas, esforzos, elementos transmisores y transformadores do movemento. Sistemas mecánicos.

Electricidade e electrónica: Coñecemento dos elementos fundamentais dos circuítos eléctricos e electrónicos e as súas leis, para poder deseñar e construír circuítos que cumpran un fin determinado. Corrente eléctrica, circuítos e os seus elementos, magnitudes e aplicacións. Instrumentación. Semiconductores, transistores, diodos, resistencias fixas e variables, circuítos de control electrónico analóxicos e dixitais.

Instalacións técnicas: As instalacións básicas que atopamos nos edificios (eléctrica, calefacción, auga, etc.)

Enerxía e a súa transformación: Fontes de enerxía. Enerxía eléctrica: xeración, transporte, distribución e consumo. Transformación da enerxía térmica en mecánica: máquina de vapor, motor de combustión interna, turbina e reactor.

Tecnoloxías da información: Arquitectura e funcionamento dun ordenador, e utilización do ordenador como ferramenta de traballo e aprendizaxe das aplicacións informáticas básicas. Hardware e software, aplicacións ofimáticas, programas de simulación, control por ordenador.

Tecnoloxías da comunicación: Comunicación con fíos e sen fíos. Telefonía, radio e televisión. O espacio radioeléctrico.

Internet e comunidades virtuais: O ordenador como ferramenta de comunicación. Deseño web

Control e Robótica: automatismos mecánicos, eléctricos e pneumáticos. Sistemas de control electrónico. Control por ordenador. Robots: Elementos necesarios para que un robot se mova. Sensores, actuadores e programación.

Tecnoloxía e sociedade: Influencia da tecnoloxía no desenvolvemento histórico das sociedades, hitos fundamentais. Análise crítica do impacto da tecnoloxía no mundo: Desenvolvemento tecnolóxico sustentábel e responsábel.