A Tecnoloxía na ESO: Metodoloxía
de Proxectos
O Método de Proxectos ten por obxecto estandarizar os pasos
relativos ao deseño e construcción de calquera producto
tecnolóxico.
É imprescindible o traballo en equipo,
para determinar e repartir tarefas, propiciar un diálogo fluído,
xerar situacións de reflexión conxunta, contrapoñer
puntos de vista totalmente dispares e chegar a decisións consensuadas
por criterios de valoración obxectivos.
Fases básicas do proceso tecnolóxico
- Proposta de traballo: Identificación
do problema a resolver ou necesidade a satisfacer.
- Procura de información: coñecemento
dos contidos necesarios para o deseño (mecanismos, electricidade,
electrónica, aplicacións informáticas, etc.),
bibliografía, internet.
- Deseño do producto e elección da solución:
bosquexos, esbozos, planos, esquemas, diagramas, etc.
- Planificación do traballo: lista de
materiais e recursos, distribución de funcións,
presuposto, ...
- Construcción do prototipo: manipulación
de materiais e ferramentas, montaxe de circuítos, utilización
de diversas aplicacións informáticas, etc.
- Comprobación: compróbase o funcionamento,
estructura, etc. Se non funciona tal e como estaba deseñado,
vólvese á fase 2 para modificar o deseño
naquelas partes que o requiran.
- Presentación do producto: Exposición
dos prototipos desenvolvidos e do informe técnico.
Recursos utilizados para o deseño e fabricación
de proxectos
- Materiais: madeira, plástico, cartón, metais, e
obxectos reciclados
- Ferramentas, instrumentación, compoñentes eléctricos
e electrónicos, etc
- Ferramentas informáticas: aplicacións ofimáticas
(procesador de textos, follas
de cálculo, bases de datos en Open Office), programas
de simulación de circuítos eléctricos e electrónicos,
sistemas mecánicos e circuítos pneumáticos,
deseño asistido por ordenador, internet. A aprendizaxe da
utilización das aplicacións informáticas realízase
en relación con outros contidos do currículo.
|
|
.
