Proxecto Violeta
1.- Xustificación do proxecto
Constatamos a existencia dunha sociedade sexista na que día
a día golpéannos noticias terribles relacionadas coa
violencia de xénero, discriminación laboral...Entendemos
que a escola debe implicarse con urxencia nun proceso de cambio
e que debemos de ir progresando cara a unha escola coeducadora que
aínda non existe. A escola, está obrigada a colaborar
na creación dun modelo novo de persoa, posibilitando unhas
condicións que potencien o seu desenvolvemento integral.
Debemos pretender a creación duna nova ética que esixe
a revisión crítica do sistema de valores xerado nunha
sociedade xerarquizada dende a súa base.
Sensibilizar ó noso alumnado e á comunidade escolar,
e progresar nunha educación que sexa de verdade para os dous
“sexos” é o que pretendemos.
2.- Obxectivos xerais
• Promove-la adquisición de actitudes e coñecementos
relacionados coa educación non sexista.: hábitos
de convivencia positivos na escola e fóra dela.
• Analiza-las relacións que se establecen na vida
, aprendendo a discernir críticamente as situacións
positivas e negativas.
• Promover un modelo de escola igualmente válido para
os nenos e as nenas , que teña en conta a presencia e as
necesidades das nenas.
• Ter unha actitude crítica ante a presencia da “neutralidade”
da educación (currículo oculto).
• Tomar medidas de acción positiva para avanzar nestes
valores.
• Potencia-la cultura cooperativa do centro fomentando unha
especial participación de alumnos/as, profesores/as, pais/nais.
• Potencia-la innovación educativa.
3.-Estrutura e contidos
A metodoloxía proposta será activa e participativa.
Esta experiencia educativa consiste nun Proxecto que intenta que
o noso alumnado,partindo da identificación con Violeta
unha nena de dez anos que nos vai presentando no seu diario determinadas
situacións problemáticas que ela vive no seo dunha
familia tradicional, chegue a unha interiorización de vivencias
que conleve unha evolucion persoal equilibrada.
Os nenos e nenas maiores da escola en base a estos aspectos irán
recollendo información dos medios de comunicación
e da vida que constaten a cara positiva e negativa destas realidades.
A evolución do proxecto e a súa propia dinámica
irá marcando distintos tipos de actividades . Preténdese
que este traballo sexa unha ventá aberta ó resto
da escola
|
