 |
| PRINCIPAL O NOSO COLEXIO • Quen somos • Onde estamos • Horario • Servizos • Instalacións • Aulas NOTICIAS RECANTO CREATIVO • O Trasno • Plis-plas • As Chans • Violeta | Proxecto Violeta | Quen é Violeta? | Diario de Violeta | Materiais • A Xanela • Pandereteiras ANPA VIAXA NA REDE MAPA DA WEB CRÉDITOS |
 ¿Quen é Violeta?  Violeta
é unha rapaza de dez anos que vive en Bembrive. Ten un irmán
maior, e unha irmá pequerrecha : Xan de once anos e Mariña
de tres.Manolo e Mari, pai e a nai de Violeta, traballan arreo e non sempre están de bo humor. El é camioneiro, transporta conxelados e viaxa por España e varios paises de Europa. Ás veces pasa tempo fóra da casa. Mari, traballa con contratos temporais nunha empresa de limpeza. Ademais ocúpase dunha pequena horta, coida á avoa Lola de Beade que está doente e tamén leva a casa. A Violeta gústalle moito dar paseos e xogar co seu can Platón, tamén lle gusta andar en bicicleta e ler libros de aventuras. Na escola, apaixóalle Coñecemento do Medio porque a súa profe Laura, fai unhas clases moi “vivas” e interesantes. Ademais, ás veces tratan temas que lle preocupan coma a relación nenos-nenas, a emigración, noticias de actualidade... Violeta é alegre e inqueda, pero hai cousas da vida, da súa vida, que non acaba de entender. Entón rebélase e entristécese. Esta semana por exemplo, está a quedar na casa polas tardes coidando a Mariña mentres Xan vai tranquilamente ós seus adestramentos de futbol. En ocasións como esta, sente a inxustiza. Ó chegar a súa nai, pola noitiña, Violeta colle unha pequena libreta vermella, e sube ó faiado. Este é o seu refuxio. Alí con letra miúda e apretada escribe o seu diario: pensamentos, inquedanzas, dúbidas... Violeta está triste. ¿Qué lle pasa a Violeta ? |
|
