LÍRICA: utilízase este concepto para definir un dos tres grandes xéneros literarios, aquel que se caracteriza pola subxetividade e a expresión dos sentimentos a través dun “eu” poético.

As súas orixes hai que buscalas na Grecia antiga. Lírica era a poesía que non estaba destinada a ser lida, senón a ser recitada por un individuo ou un coro, acompañado dalgún instrumento musical.
 
  Para saber máis
       Autores

Consérvanse 2.500 poesías producidas entre 1100 e 1300, escritas por uns trescentos cincuenta trobadores

Os principais poetas provenzais son Guillermo de Aquitania,, Jaufré Rudel, Bernart de Ventadorn, Arnaut Daniel .

 

LÍRICA PROVENZAL

A poesía provenzal constitúe o primeiro movemento de lírica culta na Europa occidental. Xurde  no Sur de Francia, nunha zona chamada Provenza, dise que sobre o 1100. Foi cultivada polos trobadoresque utilizan xa unha lingua romance, o provenzal ou langue d´oc..  

Naceu así unha poesía laica que non dependía nin da Igrexa, nin das institucións culturais ligadas ó latín.

Tratábase dunha poesía composta non para ser lida e difundida a través dun libro, senón para ser interpretada, acompañada de instrumentos musicais, a través dos xograres.  Chegou ata nós  grazas a copias inseridas nos CANCIONEIROS

A lírica provenzal trobadoresca impuxo a súa lingua e a súa poética a toda a lírica culta da Europa cristiá e poetas non nacidos na zona da Provenza adoptaron a lingua provenzal para compoñer os seus versos. É ocaso de Cataluña e o norte de Italia.

O tema central da poesía provenzal era o amor, pero tamén tiveron cabida a relixión, a política, a guerra...

Para a expresión deses temas adoptaban, fundamentalmente, dúas formas de versificación:

CANSÓN: poema de carácter amoroso, con emisor masculino e receptora femenina, no que se establece unha relación de vasalaxe na que a amada, muller casada, ten un vasalo que é o amante. Recolle a doctrina do amor cortés.

SIRVENTÉS: composición que utilizaban para facer ataques persoais, polemizar ou criticar  

Desde 1133, aproximadamente, está documentada a presencia de trobadores provenzais en España, que veñen facer o CAMIÑO DE SANTIAGO, e a súa influencia na nosa lírica está suficientemente probada no que respecta, sobre todo, ás CANTIGAS DE AMOR  e ás CANTIGAS DE ESCARNIO galego-portuguesas.