As mulleres noutras culturas:

O ISLAM

Fai clic na imaxe do texto que che interese

	RETRINCOS
	VOCABULARIO
	GALERÍA DE FOTOS

¿Cal é ese presente?. Está por definir. Hai correntes e contracorrentes, vivas discusións en televisión e Internet, periódicos de moi diversa tendencia. Un grande debate xerado por millóns de persoas que viven en máis de 60 países .

O Islam, contrariamente ó que puidera parecernos, é tremendamente flexible, ábrese ás interpretacións de centos de eruditos y guías espirituais. Cultos relixiosos e costumes de Túnez e Marrocos considéranse auténticas herexías nas terribles madrasas de Arabia Saudita onde se imparte a interpretación máis escura e irracional do Islam: os talibáns afganos foron os seus sus alumnos avantaxados. Cando se tentou rectificar xa era demasiado tarde e hoxe o fundamentalismo é un dos grandes perigos que ameazan ó Islam.
¿E as mulleres?. As mulleres organízanse, reclaman dereitos básicos, laborais, políticos desde posicionamentos moi diferentes, tan diferentes como son os seus países, o seu entorno e as circunstancias nas que viven.

Hai mulleres afganas torturadas polos talibáns e os seus sucesores.
Mulleres sauditas, presas nos seus cárceres de ouro.

Mulleres saharauís e palestinas, activas e orgullosas, soportando, a maiores, unha situación de flagrante inxustiza que ninguén parece poder ou querer solucionar.

Mulleres turcas, tunecinas e marroquís reivindicando dereitos parecidos ós que reclamaban as españolas de hai non tantos anos.

Mulleres nixerianas ,condeadas a morer lapidadas.

Mulleres iranianas orgullosas do seu réxime, producto da revolución islámica, e desafiantes rapazas iranianas, adictas ó “breakdance”, que levan maquillaxe e axustadas roupas baixo o chador.

Mulleres exipcias de longa tradición feminista
Nenas exipcias sometidas polas súas nais á terrible ablación.

Campesiñas alxerianas, violadas impunemente.

Mulleres bosniacas, traballando para recuperar a normalidade despois do espanto.

Mulleres uzbecas das que, admitámolo, a penas sabemos nada.
Indias, sudanesas, pakistanís, iemenís ...a lista parece interminable.

As asociacións de mulleres reclaman dereitos, espacios, protagonismo, dignidade, pero fano desde posturas que van da ortodoxia das máis conservadoras, pasando polas que reclaman unha actualización profunda das leis islámicas, ata as que só admiten o marco dos dereitos humanos e pretenden desvencellarse de calquera credo relixioso .

Ofertámosvos unha pequena selección de artigos e opinións . Só pretendemos reflectir a diversidade e complexidade do mundo islámico a través das súas mulleres.
Un mundo no que moitas traballan por atopar a súa propia maneira de conseguir un nivel aceptable de democracia.