Articles

Con esta xornada comeza a segunda volta da liga para os nosos equipos.

Facendo un rápido resumo, o equipo benxamín rematou cun balance de 3 victorias e 4 derrotas na 5ª posición, nunha moi meritoria primeira volta na que en cada partido vai a mais e nótase moito a súa melloría.

O equipo alevín ao contar só con cinco xogadores desa categoría e ter que contar cada xornada con moitos xogadores benxamíns ten moi difícil gañar partidos pero tamén cada partido melloran e son capaces de competir cada encontro un pouco mellor pese a diferencia de idade.

O equipo benxamín caeu derrotado polo líder da categoría,EDO 2003, cun resultado moi abultado pero o partido non tivo nada que ver co que se disputou na primeira volta e conseguimos competir dunha forma moi digna todos os cuarto.

O equipo alevín unha vez mais perdía o seu partido esta vez fronte Franciscanas,nun choque no que o equipo rival colleu unha cómoda ventaxa moi pronto e pese a os esforzos dosnosos xogadores non puidemos recortar.

Esta xornada saldouse con derrotas para os nosos equipos.

O equipo benxamín perdeu o seu partido fronte o equipo do COB masculino nun encontro no que comezamos moi mal, pero a medida que foron pasando os minutos xogamos moito mellor e fomos capaces de competir e incluso de ganar algún periodo.

O equipo alevín tamén caeu derrotado desta volta contra o equipo de Maceda, que nos derrotou por un marcador mas abultado do que cabía esperar xa que ata este partido non conseguiran gañar ningún partido. A verdade e que o noso equipo non xogou nada ben e viuse superado polo rival en todo momento. 

  Nesta xornada ningún dos nosos equipos logrou a victoria, o parón polas festas do Nadal non sentou demasiado ben ós nosos xogadores , ainda que o esforzo e a loita que puxeron en cada partido e digno de mención.

    O equipo alevín caeu derrotado fronte o equipo mixto do colexio Padre Feijoo,composto case todo por rapazas, que por certo, o fan moi ben, xogan moi ben en conxunto e técnicamente están moi ben traballadas. Os nosos xogadores fixeron o que puideron, hai que ter en conta que este equipo tan só ten 4 xogadores alevíns, o resto son rapaces benxamíns que suben cada partido a botarlle unha man ós seus compañeiros, polo que todo o que este equipo fai ten un mérito enorme.

   O equipo benxamín despois de tres victorias consecutivas non puido lograr a cuarta e caiu derrotado fronte o equipo do EDO 2004 nun partido no que non estivemos acertados e o rival aproveitouno para lograr unha victoria mais doada do esperado.

 Nesta 5ª xornada os nosos equipos correron distinta sorte no que ós resultados se refire :

    O equipo ALEVÍN colleitou unha ampla derrota fronte o líder da categoría, o equipo do Barco de Valdeorras, Muebles Victoria, que foi moi superior durante todo o encontro. É un equipo con xogadores moi grandes e incluso algún está na selección galega alevín.

   Pola contra o equipo BENXAMÍN logrou a terceira victoria consecutiva, desta volta en Xinzo, contra o equipo Eido Empresa Xinzo. O equipo dos nosos cativos foi todo o encontro por diante no marcador mostrando a sua superioridade dende o salto inicial.  

4ª Xornada para os nosos equipos de baloncesto.

Ambos conxuntos disputaron os seus respectivos encontros na casa e fronte o mesmo rival, o equipo Xuventude de Verín.

Na categoría Alevín o equipo visitante mostrouse moi superior durante todo o partido e levouse a victoria con facilidade.

Na categoría Benxamín,os nosos pequenos volveron gañar, e xa van dous partidos seguidos. Grazas ao bo traballo de todos os xogadores do equipo, logrouse unha traballada victoria contra un equipo mellor clasificado co noso.

Despois desta xornada a liga descansará ata o fin de semana do 20 de Xaneiro.

A pasada semán disputouse a terceira xornada para os nosos equipos de baloncesto con distinta sorte.

O equipo benxamín mixto logrou a primeira victoria da tempada en terras alaricanas fronte o equipo local, por un resultado de 21-60. Partido moi completo o disputado por todos os componentes do equipo, que pouco a pouco vai mellorando nas distintas facetas do xogo.

Por contra, o equipo alevín mixto caeu derrotado no Polideportivo do noso colexio polo equipo da Purísima  debido en gran parte a diferencia de altura existente entre os dous conxuntos, con tres rapaces por encima do 1,65 m.

Esta fin de semana os nosos equipos de baloncesto disputaron a segunda xornada das suas respectivas ligas.

Tanto o equipo benxamín coma o alevín disputaron os seus partidos na casa, no polideportivo do noso colexio, e ambos coxuntos perderon os seus encontros.

O equipo benxamín mixto mellorou con respecto ó primeiro partido pero aínda así o rival mostrouse moi superior e foi quen de gañar o partido con facilidade a partir do terceiro cuarto.

O equipo alevín mixto que na primeira xornada conseguira unha meritoria victoria, esta vez nada puido facer diante dos xogadores do equipo de San José Pabellón,moito mais grandes e algúns con experiencia xa en categoría infantil.

Felicitar ós xogadores dos dous equipos e animalos a que sigan adestrando duro para seguir mellorando, pero sobre todo que sigan disfrutando deste deporte, que ó final é o mais importante.

Esta fin de semana comezou a tempada de baloncesto para os nosos equipos.

O equipo Alevín mixto comezou cunha traballada victoria na pista do Instututo Otero Pedraio fronte o equipo das Franciscanas por un resultado de 36-42.

Foi un partido moi igualado que se decantou para o noso lado nos derradeiros cuartos.

Felicitar a todos os xogadores polo excelente traballo realizado e agradecer aos xogadores da categoría benxamín a súa implicación e participación neste equipo.

O equipo Benxamín mixto non tivo tanta sorte e caeu derrotado contra o equipo E.D.O. 2003. Demasiada diferencia física entre os dous equipos e ademais compre dicir que o noso equipo está formado por moitos xogadores que empezan a xogar este ano.

 Os equipos benxamín e alevín do cole acudiron,o 30 de maio ao pavillón dos Remedios, a cerimonia de entrega dos trofeos que lles acredita como campións das súas respectivas ligas.

Entrega ao equipo benxamín

 Hugo recibindo a Copa da Liga.

Foto do equipo coa Copa da Liga.

 Entrega ao equipo alevín.

 Simón recollendo a Copa da Liga.

Foto do equipo coa Copa da Liga.

Os equipos do cole remataron a súa participación nas ligas locais de Fútbol Sala acadando uns resultados moi positivos. A continuación publicanse  as diferentes clasificacións por categorías.

 EQUIPO PREBENXAMÍN

 EQUIPO BENXAMÍN

EQUIPO ALEVÍN