Ceip Condesa de Fenosa

A aula de informática conta con 25 ordenadores conectados a internet e unha pizarra dixital para un uso óptimo das posibilidades educativas do equipamento.

A aula de música está equipada con teclado, instrumentos de percusión Orff, e cun chan illante. Asemade conta cun equipo de música axeitado para a realización de audicións musicais.

A Biblioteca, con máis de 14.000 exemplares, ofrece todo tipo de actividades de animación á lectura, xogos de investigación e formación de usuarios. Clubes de lecturas, Conta-contos, acceso a internet, cine-clube, actividades de formación de usuarios, olimpíada do saber, mercadiños de intercambio de libros... son algunhas das actividades que se desenvolven nun local en constante renovación.

Anexo ao centro, na antiga casa do conserxe, remodelada a tal efecto, sitúanse as aulas de PT e AL, ademáis do despacho da Orientadora. Conta cunha aula de estimulación sensorial e  baño adaptado para discapacitados.

O Pavillón polideportivo, dotado de calefacción, vestiarios e duchas, é o lugar onde os nenos e nenas  de primaria reciben clases de Educación Física.

A aula de psicomotricidade, cun chan illante, e dotado de material axeitado, é onde realizan os seus exercicios físicos o alumnado de ensino infantil.

Contamos tamén cunha aula de inglés, dotada con material audiovisual e onde se concentran os recursos para a aprendizaxe das linguas estranxeiras. Por mor de necesidades de espazo no comedor escolar, neste curso e no vindeiro non poderá funcionar como aula específica, convertíndose na aula de 5ºB.