A nosa sociedade afronta un novo reto coa presencia de colectivos doutras comunidades con identidades culturais diferentes á nosa, por iso debemos promover todo tipo de iniciativas que redunden na integración, co fin de camiñar cara un común enriquecemento cultural e social.

Neste planeta globalizado so poderemos convivir, ter futuro, se empregamos a chave da tolerancia, do encontro entre culturas, do respecto e a solidariedade. E ese é un traballo  que corresponde a todos: ós pais e nais, á escola, os concellos, ós medios de comunicación ..., para continuar educando a todos na tolerancia, na convivencia.

Durante dúas semanas desenvolvemos no colexio, en colaboración co Concello de Toén e cos pais e nais dos nosos alumn@s, un proxecto educativo que apostou pola convivencia, a interculturalidade e a integración. O principal obxectivo destas xornadas foi conseguir que os nen@s de Toén sexan quen de vivir, a través da tolerancia, un futuro máis solidario.

Axudounos nesta labor un contacontos moi especial, unha especie de xacio, trasno, barqueiro do río Miño, de Chantada, que se chama Anxo Moure e que forma parte dun proxecto chamado Contos Solidarios da ONG  Bicis Pola Paz.

·        Exposicións: Ó longo das dúas semanas que durou o proxecto tivemos varias exposicións: de artesanía, productos do comercio xusto... aportadas polos fondos de Bicis pola Paz , completadas polos traballos realizados polos propios nen@s con debuxos, artesanía, lemas, poemas...

·        Cinema: Proxectouse o capítulo “Primavera” dunha película coreana que fala sobre a educación e o respecto, protagonizada por un neno e adaptada a tódalas idades. Posteriormente fixemos un debate .

·        Biblioteca Solidaria: Fixemos unha selección de libros doutras culturas, e libros que apostaran pola solidariedade e a convivencia, con fondos propios do centro e a aportación de Bicis pola Paz.

             Dentro da biblioteca “apareceu” unha boneca, dun conto lonxano que  non ten nome e vive dentro dunha caixa de cartón porque   ten medo que os nen@s non a acepten  e quere que lle regalen nomes, lemas e contos solidarios.

A Biblioteca estivo ambientada con música doutras culturas.

·        Moda: Fixemos un pase de moda intercultural, con pezas de artesanía e roupa  dos indios maias, de Nicaragua, do Nepal, o Sahara...

·        Taller de reciclaxe: Buscamos nos xornais novas intolerantes e, tras convertelas en pasta de papel, obtivemos unhas follas de papel reciclado que empregamos para escribir lemas contra a intolerancia e a favor da interculturalidade.

·        Sesións de contacontos: Cada día Anxo deleitounos cunha sesión de contacontos . Así coñecemos o Lobo Garabelos, a Estrela Salgadiña, o paxaro Vicentiño...

·        Contos para a tolerancia: Desenvolvemos un taller no que os nen@s foron creando contos sobre a tolerancia, a diferencia, o respecto e a convivencia para regalarllos á boneca sen nome.     O último día houbo unha actuación de nenos contacontos e a boneca saiu da caixa, que xa os nen@s  transformaran nunha casiña, para contarlles un conto a eles. Estes contos foron recollidos nun libriño e editados para seren distribuídos entre os alumn@s  e enviados a outras escolas e institucións.  .Para ler os contos, picade nos títulos.

·        Gastronomía: O último día,  no comedor escolar degustamos un menú diferente, con productos do Comercio Xusto, apostando pola dignidade e a xustiza de miles e miles de labregos e labregas de todo o planeta.

.          Música: Escoitamos músicas doutras culturas, chamáronnos moito a atención os meniños da rúa do Brasil. Preparamos a canción "Un desexo de Paz"  e interpretámola no festival. Ver partitura

Voltar