A6.-Avaliación.

A6.1.- Criterios xerais.

        Non só debemos avaliar o que os alumnos saben, senón tamén o que son capaces de facer, é dicir, as destrezas que poden desenvolver e o grao de consecución dos obxectivos iniciais da programación. Todo esto estará en función das actividades realizadas na clase e destinadas a estimular o desenvolvemento da súa capacidade de aprendizaxe e de conceptualización. Nunha palabra, a avaliación debe ser un proceso, unha suma de progresos.
        Respecto á avaliación, teranse en conta os seguintes criterios ademáis dos xa expostos en cada tema:

• PARTICIPACIÓN NA AULA: Fai preguntas coherentes? //. Ten iniciativa?  é participativo? // Ideas ordeadas // Facilidade na interpretación de datos // Aplicación do aprendido a novas situacións // Expresión oral.
• TRABALLO / ESFORZO: En grupo // Individual // Debates // Experiencias // Investigación // Exposicións orais // Debuxos ou ilustracións // Traballo para a casa: erxercicios do libro do alumno // traballo trimestral // estudio dos contidos do texto.
• CADERNO DE AULA : fidelidade ó exposto // está ó día? ordeado? // limpeza //  Amplía información? //  Fai esquemas, gráficos etc?// Expresión e Ortografía. Ademais: Debe ser soamente para a asignatura de Ciencias da Natureza, tamaño folio, cuadriculado e con marxen . Atoparanse coidados e non posuirán debuxos ou anotacións sen relación coa asignatura Os exercicios correxiranse sempre na clase e polo propio alumno no caderno, que estará en todo momento a disposición do profesor.
• PROBA / EXAME : Faranse como mínimo dúas por avaliación e nelas terase en conta:
  • Contidos conceptuais adquiridos. 
  • Capacidade de razoamento e argumentación.
  • Aplicación do aprendido.
  • Dominio dos procedementos traballados na clase.
  • Orde e coherencia.
  • Expresión e ortografía, claridade e limpeza coa que está realizado o exame, podendo restarse 0,5 puntos como máximo por este concepto. A cualificación de calquera proba escrita darase cun número entre 0 e 10.
• TRABALLOS FEITOS NA CASA: Presentaranse sempre no prazo establecido. NON SE RECOLLERÁN FÓRA DE PRAZO, agás se o alumno estivese enfermo ou non asistise á clase ese día por circunstancias xustificables.
• VALORACIÓN DAS ACTITUDES: O profesor debe ter en conta as actitudes do alumno e avaliar, por suposto negativamente, cando este mostre opinións ou feitos contrarios ós valores que trata de fomentar esta asignatura: respeto, tolerancia, convivencia, diálogo, paz, comportamento axeitado, cooperación …

A6.2.- Avaliación parcial.

      Realizaranse tres avaliación parciais. Para a cualificación global no trimestre, teranse en conta os seguintes criterios:

• a cualificación numérica obtida nas probas escritas
• o caderno de clase e/ou a participación na Feira da Ciencia
• a colaboración no desenvolvemento das clases, a participación e voluntariedade, a realización daquelas actividades puntualmente establecidas para a casa e a actitude do alumno na aula.

      Durante cada trimestre, o profesor realizará dúas probas escritas (como mínimo) que se basarán nos criterios de avaliación das unidades avaliadas, tendo como finalidade a consecución dos obxectivos mínimos relativos a elas.
        En cada proba figurarán as normas e criterios xerais de corrección, que serán os seguintes:

• Valorarase a orde, claridade, limpeza e ortografía coa que está realizado o exame, podendo restarse 0,5 puntos como máximo por este concepto
• Poderase responder en galego ou castelán, pero nunca mesturalos
• Non é necesario respostar ás preguntas seguindo a orde numérica, pero deberá quedar claro cal é o exercicio que se está a facer e non intercalar despostas doutros exercicios

       A calificación de cada unha das probas darase cun número de 0 a 10, e unha calificación por debaixo de 4 nunha proba, pode ser motivo de calificación negativa no trimestre. A obtención da cualificación dunha avaliación parcial realizarase da maneira seguinte:

1. A cualificación numérica obtida da media das probas escritas realizadas suporá o 90% na cualificación da avaliación parcial.
2. Teranse en conta o caderno do alumno, a realización daquelas actividades puntualmente establecidas para a casa, a colaboración no desenvolvemento das clases, a participación, a voluntariedade e a actitude do alumno na aula. Este apartado poderá supor o 10% na cualificación da avaliación parcial. Cada alumno ou alumna poderá acadar 1 punto neste apartado. 

Do mesmo xeito, a incomparecencia non xustificada a un exame é motivo de suspenso no trimestre. Pola contra, no caso de non poder asistir a un exame por un motivo xustificado, o profesor poderá establecer outra data para facelo, ou determinar unha cualificación en función dos datos que ten o alumno ata ese momento.

Para obter unha avaliación positiva ó final do curso, deberanse superar as tres avaliacións.

A6.3.- Recuperacións.

        Realizarase unha proba escrita de recuperación da primeira avaliación e outra da segunda avaliación, para aqueles alumnos ou alumnas que non acadasen unha cualificación igual ou superior a 5 na avaliación parcial. No caso dunha recuperación positiva (nota igual ou superior a 5) esta cualificación substituirá á da avaliación parcial correspondente ós efectos do cálculo da cualificación da avaliación ordinaria.
        En canto á terceira avaliación, o proceso de recuperación irá incluído no exame final de xuño, como se indica no apartado seguinte.

A6.4.- Avaliación ordinaria (xuño).

        Ó final de curso realizarase un exame final ó que se presentarán aqueles alumnos que non teñan acadados os obxectivos mínimos correspondentes a tódalas avaliacións, é dicir, con nota inferior a 5 nalgunha das dúas primeiras avaliacións parciais e na correspondente recuperación, ou con nota inferior a 5 na terceira avaliación parcial. Neste exame final o alumnado terá que realizar as preguntas correspondentes a aquelas avaliacións parciais non superadas previamente de entre as tres. Este exame final puntuará sobre 10 cada un dos bloques de preguntas correspondente a cada avaliación parcial; en caso de superar unha avaliación parcial previamente non superada, a nota previa será substituída pola nova cualificación.

A6.5.- Avaliación extraordinaria (setembro).

        No caso de non acadar unha cualificación igual ou superior a 5 na sesión de avaliación ordinaria de xuño, o alumno ou alumna deberá facer unha proba extraordinaria en setembro, na que deberá examinarse de toda a materia, independentemente de que durante o curso tivera algunha avaliación parcial superada.
        Esta proba escrita estarán baseada sempre nos obxectivos mínimos que se recollen nesta programación.
        Para acadar unha avaliación extraordinaria de Setembro positiva, só se terá en conta a cualificación desta proba escrita, que deberá ser igual ou superior a 5.

A6.6.- Plan de recuperación da materia de cursos pendentes.

      O seguimento dos alumnos que teñan a asignatura pendente de cursos anteriores estará coordinado pola xefe de departamento, sendo responsabilidade do profesor/a que lles imparte clase no curso actual.
      Para o seguimento dos alumnos que teñan as ciencias da natureza ou a bioloxía e xeoloxía dun curso ou cursos anteriores avaliadas negativamente estableceranse as seguintes medidas de atención:

• Realizarase un seguimento con cualificacións en tódalas avaliacións. Daráselle ó alumno unha serie de exercicios de recuperación en cada avaliación e deberán entregalos no prazo establecido. Para a súa elaboración os alumnos/as contarán coa axuda dos profesores/as do departamento, que resolverán calquera dúbida.
• De considerar que o traballo persoal, xunto co traballo e actitude na aula son suficientes para o proceso de recuperación, o alumno obterá un 5 na avaliación. En caso contrario, un 30% da nota obterase pola realización do traballo proposto e o 70% restante mediante unha proba escrita. Cando un alumno/a non entregue os exercicios propostos, ou os entregue fóra de prazo sen xustificación algunha, non se poderá presentar á proba.
• Os alumnos que non consigan superar algunha das avaliacións, poderán presentarse a unha proba escrita final, no mes de maio, onde se examinaran da parte ou partes suspensas. A esta proba escrita final do mes de maio tamén se poderán presentar os alumnos que non fixeron as probas por partes por non ter entregados os exercicios propostos.
• Considerarase superada a materia pendente se en cada avaliación se obtén unha nota igual ou superior a 5, en caso contrario, a cualificación sempre será igual ou inferior a 4. O alumnado que non supere a materia pendente no mes de maio poderá presentarse á proba escrita extraordinaria do mes de setembro, que se considerará superada cunha nota igual ou superior a 5.
• No caso de alumnos que cursen un PDC, o plan de recuperación será responsabilidade do profesor que imparta o ámbito científico-tecnolóxico, tendo especialmente en conta o traballo de aula e a actitude fronte á asignatura.

A6.7.- Plan de avaliación extraordinaria para o alumnado con perda do dereito a avaliación continua por faltas de asistencia a clase.

       Cando un alumno/a acumule faltas de asistencia a clase de forma inxustificada e supere o límite establecido no RRI do Centro para a materia, non será suficiente a superación da proba escrita para que sexa avaliado positivamente na materia. O alumno/a deberá realizar todo o traballo atrasado a consecuencia da súa ausencia e entregalo ó profesor no prazo que este estableza.
          Ademais a proba escrita que se lle propoña poderá ser diferente á do resto da clase, xa que no seu caso non puido ser cualificado de forma continua na aula. Do mesmo xeito os criterios de corrección non serán os mesmos xa que debe quedar garantido, baseándose unicamente nesa proba, que o alumno/a acadou os obxectivos mínimos da materia.
          As medidas anteriores serán aplicables tan só ó alumnado que acumulou faltas de forma inxustificada despois de ser advertidos os seus pais ou titores legais, en caso de minoría de idade do alumno/a, e o propio alumno/a nos demais casos.