A11.- Tratamento do fomento da lectura.

      En tódolos cursos farase especial fincapé na expresión tanto oral como escrita porque adquirir esta competencia supón tamén unha aprendizaxe da lingua dende as ciencias da natureza.
      Como habitualmente saen moitos termos científicos, os alumnos ó final dos cuadernos elaborarán un glosario por tema con todas aquelas palabras novas para eles, e nas probas escritas sempre haberá unha pregunta de definir conceptos.
      De cara a foentar a comprensión lectora, empregaranse os apartados do libro destinados a tal efecto: “A Fondo” e “O recanto da lectura” . Nestas páxinas trabállanse lecturas que teñen como finalidade o reforzo das competencias básicas, especialmente lectora e expresión oral e escrita.
      Tamén para cada curso se propoñerán algúns libros de peto como lecturas voluntarias relacionadas coa materia impartida.