VISITA A BIENAL DA MÁQUINA - FERRAMENTA

BILBAO, Marzo de  2008.

Con motivo da celebración da 24º Bienal da Máquina - Ferramenta que tivo lugar na“Bilbao Exhitión centre” B.E.C. de Baracaldo do 3 ó 7 de marzo, os alumnos do CM de Instalacións e Mantemento do CIFP de Fene, acompañados polos profesores: Benito Calvo, Lorena Yebra e Óscar Castro, fixeron unha visita de tres días de duración a Bilbao para visitar a Bienal e ver as últimas innovacións tecnolóxicas no sector da máquina - ferramenta e no relacionado coa fabricación e mantemento mecánico.

A exposición ocupaba 6 pavillóns cunha superficie de máis de sesenta mil metros cadradros nos que había 745 expositores de 36 países. A Bienal de Bilbao, e unha das máis importantes do mundo no sector da máquina ferramenta e move moitos millóns de euros.

No percorrido polos distintos pavillóns podemos ver as máquinas - ferramentas máis modernas do sector industrial (tornos, fresadoras, centros de mecanizado, taladradoras, rectificadoras, talladoras.etc), tanto convencionais coma dotadas de potentes programas de control numérico. Tamén máquinas que traballan por deformación, salas de metroloxía, equipos de soldar, compoñentes de pneumática e hidráulica, equipos cad, can, equipamentos didácticos para os centros, etc.

A viaxe organizámola co IES Marqués de Suanzes de Ferrol, e fomos en autocar. O primeiro día aproveitamos para visitar Covadonga (Asturias) e tamén facer un pequeno percorrido por Santander , o segundo día adicámolo a visitar a Bienal, e o terceiro pola mañá tamén. Logo pola tarde regreso a Galicia.

Pernoctamos en dous albergues de Cantabria, o primeiro día en Solórzano, e o segundo en Loredo.

En xeral todo se desenvolveu con normalidade e tanto alumnos coma profesores mostraron a súa satisfacción pola visita a pesares do cansanzo da viaxe.

Agradecer a Asociación de Empresarios de Ferrol o seu apoio para poder levar a cabo dita visita, xa que eles nos fretaron o autocar.

J.Óscar Castro