Estás nesta páxina do Ronsel do Paroleiro: A21EG-Descifra o significado

A21EG

A21EG: DESCIFRA O SEU SIGNIFICADO

Non é o nome dun novo personaxe da guerra das galaxias, nin un novo modelo de electrodoméstico, nin tampouco o contrasinal de acceso ao botón de autodestrucción do instituto.

A Axenda Escolar 21 Escolar Galega é como se chama o noso compromiso pola sostibilidade ¡¿ SOSTI.....que?! ¿ iso que é? Sostibilidade ou desenvolvemento sostible quere dicir aproveitar os recursos que temos no presente pero asegurándonos de que non comprometemos o desenvolvemento para o futuro. A A21EG é o compromiso da nosa comunidade educativa para traballar pola calidade ambiental e a sostibilidade do centro e o seu entorno, aceptando a nosa parte de responsabilidade en mellorar o presente e o futuro de todos – empezando por nós mesmos- e contribuíndo a sostibilidade global.

Podemos facer moito como individuos: responsabilizándonos (no uso racional dos recursos, modificando hábitos), sendo equitativos e estimulando a participación, avanzando na ecoeficiencia (reducindo e separando residuos, aforrando enerxía e auga...),

 

ALUMNOS/AS DO COMITÉ AMBIENTAL: Tamara, Pablo, Ludo, Diego, Adrián, Rubén e Laura.

Qué obxectivos temos no IES de Fene?

Identificar, analizar e investigar as causas dos problemas que afectan a calidade ambiental e de vida do centro escolar e o seu contorno.

Concienciarnos da necesidade de mellora do noso medio.

Programar e poñer en funcionamento accións que melloren a vida diaria do centro escolar.

Fomentar a participación de todos, non só a participación de profesores e alumnos en actividades puntuais, senón tamén implicar a todos os sectores na toma de decisións respecto a estratexias, actividades, etc.

Lograr acordos que posibiliten modos de vida máis sostibles no centro.)

 

Neste ultimo trimestre tivemos unha visita moi interesante. Visitounos o delegado provincial da Consellería de Medioambiente e Desenvolvemento Sostible para falar do cambio climático cos alumnos de bacharelato en presencia do alcalde de Fene.

Resultou unha charla moi amena con datos e imaxes tremendamente impactantes.

*********************

Tamén visitamos o IES CONCEPCIÓN ARENAL de Ferrol para celebrar a primeira xuntanza de centros A21 da bisbarra. Participamos en varios talleres e demostracións preparados polos compañeiros do Concepción Arenal e o Servizo de Educación Sostible.

As alumnas de 4º, dirixidas por Bárbara, a profesora de Música, tiveron un éxito enorme coa demostración de como crear arte e espectáculo aproveitando materiais destinados ao lixo. O seu show foi un dos momentos máis celebrados da xornada en Ferrol.
 

*****************

Este é o noso logotipo.

Foi deseñado por Sarai Casal Vidal e foi premiado no concurso convocado pola Consellería de Medioambiente e Desenvolvevemto sostible.

¡Felicidades e grazas, Sarai!