Articles

O martes, 24 de Febreiro de 2017, celebrouse na capela do Colexio como cada ano, a imposición de pañuelos dos Grupos Divino Maestro polos nenos e nenas que levan mais de dous anos pertenecendo a GDM. Despois tivemos unha pequena invitación a un chocolate quente.

.

ALEVÍN FEMININO PABELLÓN OURENSE Vs. DIVINO MAESTRO REALE SEGUROS : 64-40

    Primeira
derrota do alevín feminino. Presentábase o sábado un partido moi
complicado contra o Pabellón Ourense, e así se demostrou dende o
primeiro momento.

    Tras un mal inicio do noso equipo, semellaba que o
Divino Maerstro Reale Seguros comezaba a despertar xa no segundo cuarto.
Sen embargo, este pequeno cambio non foi suficiente para facer fronte a
un gran conxunto que se mostraba moi organizado en defensa, que
circulaba con rapidez o balón e que non daba tregua nen un só segundo.
Pola contra, ás nosas xogadoras sufrían en cada pase coa forte defensa das pabellonistas, e non só iso, senón que a cabeza parecía non
acompañarnos nesta mañá. Pases a ningures, balóns que nos roubaban das
nosas propias mans e xogadas nas que ninguén parecía saber o que pasaba
no campo, fixeron que as contrarias aumentaran a distancia ata os 19
puntos nun moi malo cuarto tempo. Para rematar o mal dia, a lesión de
Bea termiñou por minar a moral dun equipo que levaba sufrindo durante
todo o encontro.

 Felicitar ó Pabellón Ourense pola victoria e moito ánimo a nosa compañeira Bea para que se recupere pronto.

 ALEVÍN MASCULINO : CB ALLARIZ - SERIGRAFÍA ALFER DEPORDIMA : 29-55

    4º partido da tempada e 4ª victoria. O resultado foi un 29 a 55
(+26)pero a verdade o xogo non foi o mellor da tempada. Levámonos unha victoria
de Allariz pero a nivel persoal para min foi un
pasiño atrás no noso xogo. Un partido moi gris cun xogo de mais a menos e con
moitas accións individuais sen sentido, un xogo en equipo moi escaso no que
os pases escasearon. Espéremolo correxir nesta semana antes de
afrontar este finde que ven o ultimo partido da 1ª volta contra o COB, porque
se non podemos levarnos un serio correctivo.

    Esperemos que non sexa así e poidamos
competir contra o que parece o rival mais forte do grupo xunto con nos. A pista
porá a cada un no seu sitio.

    Volvendo a este partido empezamos moi ben
podendo decir que foi o mellor cuarto que vin nesta tempada, cunha moi boa defensa e en ataque
tomando as decisións correctas, atacando o aro sen medo e lendo sempre as
mellores opcións para atacar, fruto de todo esto foi un (5-20)o tope nun cuarto
noso estaba en 13 o que di moito deste cuarto, pero a partir de ahí
baixamos moito e o xogo en ataque cada un parecia que queria facer a guerra pola súa conta e moitas accións individuais e senon somos un equipo imos sufrir
moito.

    En defensa simplemente acompañabamos sen achuchar o balon e o atacante, 
cousa que me preocupa mais que o ataque, porque se defendemos como soemos defender en ataque vamos xogar con mais
tensión e con mais rapidez de decision.

    Hai que seguir traballando e
confiando nestes peques que se algo teñen e que lle encanta este deporte
maravilloso como é o baloncesto os tanteos nos seguintes cuartos foron
(5-9)/(5-2)/(0-10)/(3-3)/(11-11)

BENXAMÍN MIXTO : CB ALLARIZ - FRIAVANSO DEPORDIMA : 50-0

    4º partido dos nosos peques que acaban a 1ª volta con 2
derrotas e 2 victorias, cun papel moi bo, xa que contra os equipos da nosa
liga competimos e todos os peques van cada día aportando cousiñas a este equipo
sexan de 1º,2º ou 3º.

    Neste 4º partido a verdade, xa o di
o marcador, é que diferencia era moi grande , o resultado foi : 50-0. A
diferenza física e o entendemento de todas as nenas de Allariz, que para ser
benjamíns, xogan o baloncesto dunha forma que cabe decir que da gusto, ten moito merito. Dito
esto, pouco mais cabe decir, os nosos peques pouco puideron facer. SaÍmos durmidos e pouco activos e a excepcion dalgúns que o deron todo , houbo rapaces os que lle faltou por meter  1 ou 2 marchas mais, xa que o partido requería
moita mais intensidade polo nivel físico do rival.

   Do xogo pouco se pode decir
porque no colectivo pouco nos deixaron facer polo bo traballo do equipo local o que
si, hai rapaces que cada dia se atreven con cousas diferentes e eso a verdade
que me alegra moito, esperemos que o final de tempada todos sexamos capaces de seguir
neste progreso.

INFANTIL MASCULINO : BE ONE DEPORDIMA - CB MASIDE : 65-49

    O partido comezou bronco, moi intenso a nivel físico e cunha
defensa dun tono elevado, pero que os nosos souberon superar.

    A nivel ofensivo
os nosos estiveron mellor ca nos partidos anteriores e conseguiron chegar ao
descanso con 16 puntos de ventaxa.

   A partir de ahí, algún factor externo fixo
que non puderamos separarnos máis no marcador. Aínda así, levámonos outra
victoria que nos axuda, a nivel moral, para afrontar os seguintes compromisos.

ALEVÍN FEM.:DIVINO MAESTRO REALE SEGUROS - CB ALLARIZ : 59-49

Emocionante
partido o vivido o sábado de mañá na nosa cancha. En xogo o partido
aplazado contra o Allariz, un equipo que dende o primeiro minuto
demostrou que viña con ganas de dar guerra e levarse a victoria.

Así,
comezou o partido cunha vantaxe de 5 puntos para as alaricanas. As nosas
non o facían nada mal, pero o balón parecía non querer entrar polo aro,
conseguindo os únicos puntos dende a liña de tiros libres. O encontro
continuaba e seguíamos sen alcanzar ás contrarias no marcador. Víase un
partido rápido e duro, con dous equipos deixándose a pel en cada balón.
Sen embargo, o Divino Maestro Reale Seguros cada vez atopábase millor na
cancha, encontrando os puntos en rápidos contraataques resoltos en 2
pases, pero á vez sabendo calmar o xogo cando era preciso, pasando o
balón ata encontrar o camiño ó aro.    

Finalmente,
o último tempo comezaba cas nosas 2 puntos por riba, restaba pois o
derradeiro esforzo para levarse a victoria. Tras un gran cuarto, o
resultado final quedaba en 59-49 para as da casa. Rematar felicitando a
ambos equipos, pois o Allariz tamén realizou un gran partido e loitou
con moitísima forza e gañas durante todo o encontro.

Noraboa a todas!!!

LIGA GALEGA PREINFANTIL FEMININA : DIVINO MAESTRO CALEFACCIÓN TIAGO - CELTA : 14-64

As nosas bombillas loitaron
con todas as súas gañas no partido disputado contra o Celta de Vigo,
pero non foi suficiente para plantarlle cara a un rival de gran nivel e
prestixio a nivel autonómico.

Aínda así e con todo, o positivo a resaltar é a actitude das nosas
pupilas e o paso adiante dalgunha delas no seu rendemiento
individual.

Toca seguir traballando para mellorar e intentar conseguir que
esta mellora nos leve a lograr a ansiada, aínda que no imprescindible
victoria.

Vamos Equipo!!!!

LIGA GALEGA INFANTIL FEMININA : DIVINO MAESTRO OURENSE RÓTULOS - CELTA : 27-78

Novo paso cara adiante das nosas guerreiras, que demostraron unha vez mais , a pesar das numerosas baixas, 5 xogadoras infantís non puideron xogar por distintas lesións, que cada xornada compiten mellor e con calqueira equipo. 

Debido as numerosas baixas tivemos que , ademais de contar coma sempre con Lucía, xogadora en idade alevín, tamén con Noa , xogadora do preinfantil, que xa nos axudara a semana pasada.

A diferencia física entre os dous equipos é evidente, pero as nosas xogadoras en ningún momento baixaron os brazos, e opuxéronlle moita resistencia ó equipo celeste.Mostra diso é que non conseguiron pecharnos o marcador ata o derradeiro minuto do último cuarto, e presionándonos os 40 minutos do partido.

Grandísimo traballo e esforzo das nosas guerreiras, que siguen co seu progreso para afrontar a decisiva segunda fase nas mellores condicións. 

Esta próxima semana non haberá xornada e esperemos que estos días nos sirvan para recuperar xa a todas as xogadoras lesionadas.

INFANTIL MASCULINO : AB XINZO 56- 55 BE ONE DEPORDIMA

    Por fin chegamos ao punto que queríamos. 

    Foi unha derrota,
si, pero sabe doutra maneira. Os nosos fixeron un moi bo partido no que
estivemos a piques de derrotar ao líder invicto da liga.   

    Comezando serios desde
o principio, ordenados e cun bo xogo, tanto defensivo como ofensivo. Pero sobre
todo o cambio de actitude. Notouse que por fin queremos xogar ben, que o
deixamos todo no campo e que queremos gañar partidos. Se seguimos nesta onda,
comezaremos a obter vitorias. A primeira, esperemos que sexa xa a próxima fin de
semana contra Maside.

 ALEVÍN MASCULINO :
SERIGRAFÍA ALFER DEPORDIMA - XINZO : 49-34

    3º partido dos peques que seguen intratables e demostrando que
este ano vai ser moi dificil que consigan levarse a victoria da nosa
cancha.

    Este partido serviu para ver que os nosos peques aínda que nalgún non están de todo acertados, si que poñen todo o que teñen, na pista.

    O
resultado e un pouco enganoso xa que aparenta ser mais amplio do que foi en si
o partido. Os 2 primeiros cuartos foron moi espesos e
parecía que aínda nos estabamos a levantar da cama e Xa eran as 11 e 20!!!! Non podemos desperdiciar 2 cuartos, todos son
importantes e hai que xogar como se fose o último. Logo destes 2 cuartos o tanteo
era (9/12) pero un cambio de chip radical fixo que saíramos a tope no 3 cuarto
e con moita garra, con moi boas eleccións de tiros e mais movilidade de balon, polo que fixo un parcial moi bo (14-0), o marcador o descanso
quedaba (23/12). O 4 cuarto e o 5 seguiron sendo  parecido o 3 cuarto, deixando un tanteo nestes de (17/10).

    O resultado
antes de comezar o ultimo cuarto deixaba un (40/22) +18 , aínda que o
equipo rival tamen en certos momentos nos apretou moito pero un
maior porcentaje fixo que collésemos esa vantaxe e este ultimo cuarto valeu
para repartir un pouco mais os minutos os nenos que xogan un pouco menos. Hai
que seguir así e a próxima semán toca un descanso merecido, pero xa pensamos na 4ª.

    Estes nenos van facer algo grande.

 BENXAMÍN MIXTO : DEPORDIMA FRIAVANSO - XINZO : 29-28

    3º partido dos nosos peques, e moi diferente os outros dous. Veulle moi ben este partido fose cal fose o resultado final , que neste caso
foi favorable , xa que conseguimos levarnos a victoria cun resultado axustadisimo
(29/28)

    Un puntiño de diferencia que supo moi ben, pero se fose ó reves tamen
deixaría un bo sabor de boca, xa que os peques xogaron moi ben de principio a
fin cun gran xogo colectivo ,a excepcion dalgun cuarto no que primaron as individualidades. En relacion a esforzo e gañas, moi ben todos,dando o que tiñan, e a
diferencia do 1º e 2º partido , ó estar tan igualado fixo que os peques
estivesen moito mais metidos no partido e mais tensos, cousa moi importante, e o
fin e o cabo estes partidos igualados van ser de moito mais proveito que se
fose un +50 o un -50.

    Así que a seguir traballando para que chegen os resultados
na pista sexa cal sexa o resultado, pero traballando como traballan acadarán moitos éxitos.

    Moi bo traballo peques a seguir pasiño a pasiño e
entreno a entreno.

PREINFANTIL FEMININO LIGA GALEGA : ALLARIZ - DIVINO MAESTRO CALEFACCIÓN TIAGO : 56-25

 
Cando no día a día dos
entrenamentos non somos capaces de esforzarnos, traballar duro con
gaÑas, ilusión e constancia, chega o día do partido e tradúcese no noso
desempeño no campo.

    
O pasado domingo as 12:00 horas da mañá xogamos no municipal de Allariz o
que probablemente sexa un dos peores encontros que disputamos, con
falta de gañas, actitude e coraxe ante un envalentonado equipo de
Allariz con importantes baixas de xogadoras determinantes, pero sin
excusas para dalo todo na pista.

    
Pola nosa banda, todo se volveron excusas, peros e suspiros..... igualiño
que os entrenos da última semana e media antes do encontro. Podemos
perder e tamén podremos ganar, pero dende logo se seguimos con PEROS,
EXCUSAS E MAÑÁS á hora de entrenar, será difícil poder brillar como se
espera de nos.

O " MAÑÁ " e o adverbio dos perdedores. E aqueles que non son capaces de ver o invisible, difícilmente podrán acadar o imposible.

Traballo, traballo e mais traballo, en vez de peros, excusas e mañas!!!!

Vamos Equipo

LIGA GALEGA INFANTIL FEMININA : ALLARIZ - DIVINO MAESTRO OURENSE RÓTULOS : 44-42

    Partido que os dous equipos afontabámolo con importantes baixas, pero que pese a iso disputámolo cunha intensidade e unhas gañas enormes en busca da victoria.

   Ó igual que ocorrera no partido contra Porriño, de dúas xornadas atrás, tivemos a victoria nas nosas mans, pero non soubemos rematala. Ó contrario que no anterior partido, neste fomos capaces de ter opcións con tiros cómodos para igualar ou gañar o partido, pero non tivemos a sorte de que entrasen.

   Foi un partido moi igualado durante os 40 minutos, sen grandes diferenzas a favor dos dous equipos e que se decidiu no derradeiro minuto e medio.

   Cómpre destacar o partido de todas e cada unha das nosas xogadoras, poucas, polo elevado número de baixas que temos, pero que loitaron  todo o partido e desplegaron un gran xogo colectivo. 

    Destacar e agradecer ás xogadoras do equipo alevín Clara e Lucía, que o ven facendo durante toda a tempada, e a do equipo preinfantil, Noa, o moito que nos axudaron neste encontro.

    Un novo paso adiante no crecemento como equipo.

BENXAMÍN: BOSCO SALESIANOS VERDE - DEPORDIMA FRIAVANSO : 58-8

Partido
moi complicado o que vivimos o sábado de mañá en Salesianos.

Os
benxamíns enfrontábanse contra un equipo de gran calidade e que, como xa
se intuía no quecemento, non llo ía por nada fácil os nosos. Non só
podemos falar da evidente superioridade física, senón que tamén hai que
destacar a calidade dalgúns xogadores do Bosco Salesianos "Verde", así
como o bo xogo conxunto. Inda así, os nosos peques saíron a por todas e
seguiron demostrando que queren mellorar e crecer a cada partido. Chea
de ilusión ver o esforzos que os pequenos puñan en cada rebote e en cada
defensa.

Por último rematar felicitando ó rival, non só pola victoria,
senón tamén pola súa deportividade ao longo de todo o encontro.

ALEVÍN FEMININO: CARMELITAS VEDRUNA - DIVINO MAESTRO OURENSE RÓTULOS : 22-73

E
por fin se estreou en liga o Alevín Femenino. 

A longa espera mereceu a
pena, pois as rapazas comezaron cun gran partido na cancha do Carmelitas
Vedruna.

Ás nosas costoulles entrar no xogo, cun primeiro cuarto moi
dubitativo que rematou co marcador a favor do conxunto local. Sen
embargo, a partir do segundo cuarto e unha vez calmados os nervios
iniciais, o noso equipo despegou un xogo moi colaborativo.         Inda queda
moito camiño e moito por traballar, pero sen dúbida esta fin de semana
rematamos con boas sensacións e con moita ilusión para seguir
esforzándonos e mellorando todas xuntas. 

Parabéns rapazas!!!

 ALEVÍN MASCULINO : ABO - SERIGRAFÍA ALFER DEPORDIMA : 35-53

Os nosos alevins xogaron a rachas, nun partido competitivo
pero no que cando subiamos unha marcha ibamonos tamen no marcador pero cando
baixabamos esa marcha o outro equipo estaba o acecho.

Os 3 primeiros
cuartos foron desta maneira polo que o marcador reflexaba un tanteo moi
igualado o descanso 24-25. Todo parecia que ía ser así ata o final, pero un 4
e 5 periodos moi bos, sexa dito,con xogadas rapidas e con moi boas decisios finais
de tiro e unha defensa moi intensa dos 5, fixo que o final fose mais doado do previsto.
O tanteo destes 2 cuartos foi
(7-24) un +17 para nos, que rompeu o partido. O último cuarto axudou a ir
collendo mais minutos a nivel xeral e probar cousas novas.

A palabra EQUIPO o largo da
tempada ten que ser moi importante xa que se os 9 xogadores mais os benxamíns,cando suban, aportan o que
teñen que aportar, o equipo vai facer que o partido sexa moito mais difícil para os contrarios. Neste
caso todos aportaron o seu graniño e moi ben.

Moi contento en xeral destes nenos que cada día,semana e partido van a mais .

Levamos 2 de 2 e que siga así, pero
este finde tócanos unha dura pedra no camiño como e Xinzo, esperemos que sea 3
de 3 pero eso habera que pelexalo na pista , pero se somos un EQUIPO sera moi
dificil que se leven a victoria da nosa cancha .

A seguir asi PEKES, SODES MOI
GRANDES.

INFANTIL MASCULINO : BE ONE DEPORDIMA - COB : 44-53

Outra vez comezamos o partido máis tarde que o equipo rival.
Os nosos contrarios entraron ao partido máis concentrados e máis enchufados, o
que lle serviu para irse no marcador nos dous primeiros cuartos, chegando ao
descanso cunha renta de 15 puntos.

Na segunda metade, os nosos xogadores
comezaron a xogar como saben, pero xa era demasiado tarde para solucionar o mal
feito na primeira parte.

Esperamos que este fin de semana salgamos máis activos
desde o primeiro minuto.

INFANTIL FEMININO : DIVINO MAESTRO OURENSE RÓTULOS - COLEGIO MARIANO : 24-67

Unha vez mais as lesións e os golpes sufridos polas nosas xogadoras, impedíronos competir ata o final.

Despois de xogar un magnífico primeiro cuarto no que nos fomos por diante no marcador, a lesión de Icía no derradeiro segundo deste periodo, mais o golpe sufrido por Lucía nos primeiros compases do segundo cuarto aproveitouno o equipo rival para escaparse 10 puntos no marcador.

A segunda parte case sen cambios , e pese ó esforzo titánico das nosas guerreiras, o partido xa case non tivo historia.

Resultado demasiado abultado en contra , pero cas sensacións de que co equipo o completo, esperemos que sexa o mais pronto posible, podemos competir ca maioría dos equipos. 

Na vindeira semana esperamos contar xa con Sara, Raquel, e Saray ,na fase final das súas recuperacións e tamén con Icía e Claudia esperando que lle desaparezan as molestias cas que veñen xogando ultimamente.