CONCURSO DE CARTAS DE AMOR

Como en anos anteriores, o noso instituto convocou un concurso de cartas de amor ao redor do 14 de febreiro. Tamén como os outros cursos o éxito foi notable en canto a participación e calidade.

Aquí tedes tres mostras das cartas presentadas.

Mira que profundo caín, que eu necesítote, fasme falta, sen ti todo anda mal. Mira ti que ben estás, como sorrís. Pobre de min, que tonta fun; fun tan estúpida... Ti  disme adeus e te levas a miña vida, porque te vas e se me acaba o mundo e é que o meu mundo es ti.

Non podo pensar que sufrir non me serviu, porque é unha forma de aprender a non volver a cometer o mesmo erro.

É un castigo non merecido entregar o corazón sen condicións e recibir tan só desilusións. E agora estou aquí, remendando a miña vida polas túas feridas e buscando unha saída. Sei moi ben que camiño me alonxa de ti, xuntando as miñas forzas dobrando a dor e convencéndome de que teño que ser forte, que xa o superei e sobrevivirei. E que por ti non merezo sufrir xamais.

Non te preocupes, non me preocupas. Non es a primeira pedra coa que tropezo. Eu empezarei de novo e levantareime unha vez máis.

Toda a miña vida apágase, o meu mundo cégase, amor ao pedirche e gritarche que volvas. Amor es ti, a verdade do meu tempo, amor es ti, amor. Ti es a noite e os teus ollos que son gotas de luz  e síntote aquí, asolagándoo todo. Son unha alma en pena, morte, unha avara que condenas e ti sentenciaches, unha alma de penas que ti crucificaches. Unha alma que vai, unha alma que non está, unha alma que se perde no baleiro.

Como dicirche que non te vaias se xa non estás. Sen ti non hai lugar; sen ti todo dáme igual; sen ti non hai brisa do mar. Es o meu presente e o meu pasado, es isto e moito máis. E nada no mundo te pode reemplazar,  e aquí, no meu corazón, só existes ti e ninguén máis que ti. Non te cambio porque te amo. Ámote con todo o meu corazón, e porque ti me fas sentir mellor, encantada e fora de control, porque te amo a ti.

Ámote e para min non existe o ceo se ti non estás, non existe nin o ceo, nin o mar, nin luz no meu corazón.

Quérote porque sei que podo, porque sabe o mundo enteiro o tempo que te espero.

Feliz San Valentín

Ana Paula

*************************************

Ola miña prezada amada…!!

Aproveito a maxia que ten este día sobre os namorados para dicirche o que está ocorrendo na miña vida dende que te coñecín o primeiro día de clase cando te vin entrar por primeira vez pola porta.

Ese primeiro día o meu corazón empezou a latir con forza e souben que ti serías alguén moi especial na miña vida.

Dende aquela xa pasaron moitos anos, e ata o día de hoxe non se me pasara pola cabeza o que che vou dicir hoxe nesta carta.

Grazas á túa amizade son unha persoa mellor e non sei como agradecercho. Se tivera que describirche nunha soa palabra o que me fas sentir non podería, pero unha cousa si que che podo dicir, e é que te  amo con toda a miña alma e que a túa mirada e o teu sorriso son a luz que ilumina os meus días dende pola mañá que xa estamos xuntos ata que nos temos que separar...!!

Sei que o noso amor é imposible porque amas a outro, por iso o único que che podo dicir é que sempre vou estar ao teu carón, que te quero como nunca quixen a ninguén, e tamén pedirche que non cambies nunca porque vales moito e calquera home do mundo sería feliz estando contigo.

Quérete moito: quen ti xa sabes!!

Altair Rodríguez Pena, 1º BAC B

 *************************************

Como podo dicir

Que tan só te amo a ti

Sen que a ninguén

Lle pareza ruín.

Como podo demostrar

Que só ti es a miña vida

Sen que a ninguén
Lle pareza egoísta.

Como podo terte

Nos meus brazos

Sen que a ninguén

Lle pareza atrevida.

Como podo facer isto

Sen ser unha ladroa

Pois desexo o máis belo

Que hai na vida.

Como podo berrarlle

Ao mundo enteiro

Que ti es o único

Que eu máis anhelo.

Como podo conseguirte

Sen que o vento

Me teña envexa

Por facelo.

Como podo lograrte

Sen perder a miña vida

Se ti ma quitas ao mirarme

Tan de seguida.

Como podo expresar

En poucas palabras

Que TE QUERO?

Se xa o conseguín.

Lourdes Iglesias Leite, 1º BAC B