EQUIPO DE NORMALIZACIÓN LINGÜÍSTICA

Un ano máis, o E.N.L. desenvolveu unha serie de actividades encamiñadas ao fomento e promoción da lingua e a cultura galegas. A novidade deste curso foi que, debido ao desdobramento que se fixo dun único instituto en dous, o E.N.L. realmente foron dous (un por cada instituto) aínda que na práctica funcionamos coordinadamente como se se tratase dun só. Por esa razón, os dous equipos programamos as mesmas actividades e ofertamos practicamente todas elas aos dous institutos.

Aínda que o curso non rematou e quedan actividades por facer, estas son algunhas das xa realizadas ou a punto de se levar a efecto:

a) Primeiro trimestre:

- Edición do calendario do ano 2007 (dada a calidade dos traballos deste ano optouse por facer catro modelos diferentes).

- Elaboración de almanaques 2007 con fotos antigas de Fene.

- Conferencia de Xesús López Piñeiro sobre “A pintura de Castelao”.

- Elaboración de postais de Nadal.

-  Participación no certame  “En galego, sen filtro”  que organiza a Coordenadora de Equipas de Normalización Lingüística de Ferrolterra.  Nesta  ocasión, a coordenadora tivo a ben escoller, entre      outras, o poema de Jacques Prévert: poèmes d’amour, presentado pola profesora de francés Montse.

b) Segundo trimestre:

-      Elaboración de dous boletíns informativos.

- Concurso de cartas de amor.

- Concurso de postres do Entroido.

- Conferencia de Xabier Ferro sobre sexualidade.

- Conferencia de A. Eiré, director de A Nosa Terra.

-

c) Terceiro trimestre:

- Exposición “Rocha Viva” (caricaturas en pedra dos escritores clásicos galegos).

- Participación na actividade, organizada pola Coordenadora de Equipas de Normalización Lingüística de Ferrolterra, “Coa lingua de excursión”. Un número reducido do alumnado máis comprometido co idioma foron invitados a Porto. 

- Edición do número 7 da revista escolar “O Ronsel do Paroleiro”

Tamén colaboramos  nas actividades organizadas pola Biblioteca do Centro e o Grupo Natura, sendo un dos labores fundamentais para este curso a potenciación das festas tradicionais: Magostos, Entroido, etc., así como a recuperación dos xogos populares, que continuaremos en cursos vindeiros