as casas baratas

 

Barrio das Casas BaratasNome do edificio:

Grupo de vivendas de “San Roque” coñecido popularmente como “As Casas Baratas”.


Ano de construción:

Construíronse en dúas fases a primeira fase construíuse en 1957 e entregáronse en 1958 e, a continuación, construíuse a segunda fase que se entregou en 1962.

O terreo das Casas Baratas antes da súa construción

Tipo de edificio:

Os edificios eran vivendas rectangulares, na primeira fase construíronse 50 vivendas e na segunda fase 80 vivendas.

As casas Baratas ao pouco de se facer

Historia:

Había unha capela, chamada de ”San Roque”, que tiña dúas imaxes moi importantes; A Virxe da Barxa (procedente da antiga igrexa desaparecida) e unha imaxe de madeira policromada anterior o século XV. 

Así mesmo posuía a imaxe do “San Roque”.

Tamén había tendas, dúas carnicerías, dúas pescaderias, tres tendas de ultramarinos, bares, un teleclube...e unha escola con 4 aulas .


Uso antigo ou uso actual:

Dende o ano 1957 ata agora están funcionando como vivendas.


Reformas que sufriu:

Antes eran de terra e despois cementáronse a principios dos anos 70 e tamén se humanizou o barrio plantando árbores, facendo xardíns, un parque infantil e unha pista polideportiva. 

Na primeira fase entrábase pola cociña as habitacións e na segunda fase as habitacións eran máis grandes e tiñan corredor.

Vista áerea das Casas Baratas

Curiosidades:

A extensión do barrio é de 1033m2, entre o ferrocarril Palencia-A Coruña polo norte, e polo sur o río Sil, polo leste terreos de Viñedo, e polo oeste unha casa particular.

A xente que vivía alí era de clase traballadora porque traballaban en empresas da vila, funcionarios públicos, garda civil que ocupaba un pavillón completo e tamén traballadores da construción e carpintería.


Por que se construíron as CASAS BARATAS?

Porque nos anos 50 empezaron a facer empresas no Barco e necesitaban vivendas, entón crease unha comisión para recadar cartos e comprar terreos.

O encargado da “comisión pro compra de terrenos para emplazamiento de viviendas de renta limitada” organizada pola Delegación Comarcal de Sindicatos, encargada de recadar cartos de donativos para a compra dos terreos, foi D. Gustavo Gómez Nóvoa que mediante doazóns (na páxina 3 do xornal “SIL” de setembro de 1958 pódese ver unha listaxe de doadores, neste caso para a segunda fase), adquiriu a finca denominada “Bada de las cortes” e posteriormente (o 24-01-1956) cedeu ao delegado provincial (por aquela D. José Manuel Liaño Flores) para a construción da primeira fase das Casas Baratas.

Outros artigos interesantes son, do mesmo Xornal, por aquela chamado “Boletín informativo del ayuntamiento y Jefatura Comarcal del Movimiento” “SIL” do mes de marzo de 1956, páxina 13 que titulado o artigo “Obras que son realidades, Viviendas” informa sobre o comezo das obras de construción das vivendas



Por que se chaman “CASAS BARATAS?

Porque eran vivendas de tipo social, cunha renda moi baixa para poder pagalas en 30 anos.

A praza das Casas Baratas


A vida no barrio:

Os nenos para divertirse xogaban o espeto, o marrachaze, o bote está na malla, os santos, a billarda... (véxase “A comunidade do remolque” https://www.youtube.com/watch?v=UlxR6j1nbqA no que falan os veciños do barrio sobre como era a vida a nel)


Anécdotas:

Cando se puxeron as primeiras vivendas houbo fontaneiros de guardia para explicarlles aos habitantes o funcionamento do baño, porque a xente viña dos pobos e non sabían utilizar as cisternas,duchas... (contan os veciños que unha vez se atopou, nunha casa, un cocho criando nun baño, cando acabaran de poñer os baños; indicativo, esaxerado ou non, do distanciamento entre a vida nas aldeas e na vila).


Bibliografía:


  • Xornal “O Sil”, setembro de 1958

Xornal o Sil 1958

  • Xornal “O Sil”, marzo de 1956

Xornal o Sil 1956

  • Copia da escritura de donacion da finca “La Bada” ao Delegado nacional de Sindicatos.

Acta notarial de cesión da finca da Bada

Feito por Víctor, Antía, Jairo B, Noelia, Iván C, Eva B e Patricia.