Grazas por adquirir un novo exemplar de “O Ronsel do Paroleiro”. Este ano contamos cun equipo de redacción que fixo posible sacar este número tan pronto. Fútbol, maxia e música son algúns dos temas que tratamos nesta revista que só pretende entreter un pouco e recadar cartos para unha causa benéfica. Desta vez os cartos recadados van para a asociación naronesa Cometa, que recolle aos animais abandonados e que teñen un corazonciño que sofre de soidade. Facemos este número con ilusión porque tres artigos do número anterior foron seleccionados para formar parte do número de xaneiro do Xornal Educativo da Consellería de Educación.

Recordámosvos que é unha revista aberta a tod@s. Pode participar quen queira coas súas colaboracións. Valen todas as opinións, só pedimos que sexan respectuosas cos demais e escritas en galego. O do respecto é fácil imaxinar a razón e o do galego...porque é a lingua máis nosa, que só falamos aquí e que debemos estar orgullosos dela coma da Catedral de Santiago ou das vitorias de Óscar Pereiro no Tour.

E se non che gusta o periodismo escrito, sempre che quedará a nosa Radio Escolar (aínda á procura dun nome), o grupo de teatro, o grupo ambiental “Natura”, a web www.iesdefene.org, a biblioteca,....

Amig@, hai moito onde aprender...