Benquerido amigo/a:

            Diríxome a ti para falarche de algo co que me sinto moi ilusionada, sen dúbida o mellor que me ocorreu neste curso. Trátase do grupo de teatro que organizou o instituto no que estou este ano. Apunteime cuns amigos coa idea de pasalo ben e de coñecer xente.

            Se che son sincera, estas dúas metas xa as alcancei. Polo que querendo superarme cheguei á conclusión de que o que debo facer agora é aprender a interpretar pero sen esquecer a diversión que implica.

            O noso grupo é, en realidade, bastante pequeno e domina o número de rapazas, xa que somos unhas sete mentres que só temos dous rapaces.

            Aínda non fixemos ningunha obra teatral, pero confésoche que xa estamos preparando a primeira. Non che direi cal é, porque terás que descubrilo por ti mesmo.

            Se non che molesta, gustaríame falarche do que facemos nesas clases que temos os martes polas tardes despois das clases normais dedicadas aos estudios.

O primeiro día foi a presentación de todos os compoñentes incluída, por suposto, a profesora. Os seguintes fixemos exercicios de interpretación.