Nova web

Queridas familias:

 

Queremos informarvos que, dende o 22 de febreiro, está en funcionamento a nova web do colexio.

A dirección desta nova páxina é www.colexioasuncionsarria.es.

 

Agardamos que vos guste! 

Proceso de admisión curso 2017-2018

  •   Para coñecer o calendario do procedemento de admisión premede aquí.
  •   Para coñecer os postos vacantes para cada curso premede aquí.
  •   Para coñecer a orde do 12 de marzo de 2013 pola que se desenvolve o procemento de admisión premede no seguinte enlace:

Orde do 12 de marzo de 2013

 

  •  No seguinte enlace tamén podedes consultar a orde do 25 de xaneiro de 2017 pola que se modifica a orde do 12 de marzo de 2013:

Para calquera consulta sobre o procedemento podedes pasar pola Secretaría do centro ou poñervos en contacto co centro.

Certame de contos e relatos curtos Trapero Pardo

 

ALUMNOS DA
ASUNCIÓN VEN PUBLICADOS OS SEUS RELATOS!

 

 

A Alcaldesa de Lugo, Lara Méndez, e o Concelleiro de Educación, Manuel Núñez, presentaron o pasado venres, día tres, no Salón de Plenos, un libro cos relatos
curtos premiados no certame Trapero Pardo, nun acto ao que asistiron os autores dos relatos, o mestre que realizou a corrección dos contos publicados, Xosé Manuel Castro, a coordinadora da publicación, Margarita Calderón, e a encargada de realizar as ilustracións, Eva Seoane.

O Concello edita de novo esta publicación que recolle os contos gañadores de dúas edicións deste certame, organizado pola área de educación para mozos e mozas de
12 a 18 anos de idade de calquera centro educativo de Lugo. Nesta ocasión, aparecen publicados os traballos gañadores de 2014 e 2015.

Na presentación do libro, a rexedora felicitou a todos os gañadores e gañadores e a todos os participantes neste certame impulsado polo Concello. Así mesmo tamén
tivo palabras de felicitación á comunidade educativa por favorecer, apoiar e incitar aos seus alumnos á participar neste e noutros concursos literarios. Para rematar,  convidou aos mozos a seguir lendo e escribindo.

As obras recollidas neste libro son as seguintes:  

Ano 2014


Categoría de 12-14 anos


1º Premio: Sofía Valiña Cabo coa obra Nunca Medrar do CPR Ntra. Sra. de la Asunción de
Sarria (Lugo)
2º Premio: Iago Penalonga Arribas coa obra A Vila da felicidade do Colexio PP Franciscanos de Lugo
3º Premio: Silvia Díaz Rodríguez coa obra O tesouro do avó do CPR Ntra. Sra. de la Asunción de
Sarria (Lugo)

 

Categoría de 15-18 anos


1º Premio: María Sonsoles Quiroga Gutierrez coa obra Os
asaltadores do Muro
 do
CPR  San José de Lugo
2º Premio: Antía Sánchez Magdalena coa obra  A
un paso dos teus soños
 do
CPR Ntra. Sra. de la Asunción de Sarria (Lugo)

 

Ano 2015


Categoría de 12-14 anos


1º Premio: Santiago García Rivas coa obra De Pedra, do CPR Divino Maestro de Lugo
2º Premio: David González López coa obra Maruxa Castaña, do CPR Ntra. Sra. de la Asunción de Sarria
3º Premio: Sofía Santos Ulloa coa obra Esperanza, do IES Lucus Augusti de Lugo

 

Categoría de 15-18 anos


1º Premio: Andrea Estrella Arias Díaz coa obra Tras tanta choiva, do IES Ánxel Fole de Lugo
2º Premio:  Elena Valle García coa obra Xogas?, do IES Perdouro de Burela (Lugo)
3º Premio: Sofía Valiña Cabo coa obra Sen ti son Eu, do CPR
Ntra. Sra. de la Asunción  de Sarria (Lugo)

 

 

Ao remate da presentación, os autores dos relatos foron agasallados cun lote de dez exemplares,  como premio ao seu inxenio e  esforzo.

 

Convidámosvos á lectura deste libro, que podedes atopar na biblioteca do centro, e queremos animarvos a escribir e a cultivar a vosa imaxinación; e quizais noutro intre, algún de vós poida ver a súa obra entre a de recoñecidos autores.

 

 

Parabéns ás nosas ex-alumnas e alumnos pola calidade dos seus traballos e pola satisfacción de ver publicados os seus relatos, xunto coas creacións doutros mozos/as.

 

 

Festa de Santa María Eugenia

Charla Que é un medicamento? Cómo se descubre?

Os alumnos de 4º da ESO asistiron o pasado día 3 de marzo á charla Que é un medicamento? Cómo se descubre?. Podedes ver a noticia no blogue da ESO.

 

Xornada de Portas Abertas

Non vos esquezades...

E o que nos toca para mañá é...

Exames externos Trinity e Cambridge

Lembrámosvos que mañá remata o prazo para inscribirse nos exames externos de Trinity e Cambridge.

Entroido

E para mañá...

 

Lembrade que os mandados dos Mecos son acumulativos, polo tanto cada día traeremos o que corresponda e o dos días anteriores!!! 

Escola de prensa

Hoxe os alumnos de 6º de E.P recibiron a visita de Ana, redactora do xornal El Progreso, para participar nunha acción formativa dentro do programa "Escola de prensa".

 

 

Entroido na Asunción

Xa comeza o entroido e os nosos amigos os Mecos agárdannos en portería para dicirnos o que temos que levar cada día.

E non vos esquezades da nosa festa de Entroido que se celebrará o venres 24 de febreiro a partir das 12:00 h. Podedes vir disfrazados como queirades.

Agardámosvos!!! 

 

    

Charla sobre RCP

Hoxe, no noso centro, e grazas a colaboración de SEMES (Sociedade Española de Medicina de Urxencias e Emerxencias), o Colexio Oficial de Médicos de Lugo e o Instituto de Enseñanza Secundaria Xograr Afonso Gómez, que nos emprestaron dous maniquís, o doutor Ramón Muñóz López, impartiu unha charla sobre RCP (reanimación cardiopulmonar).

Durante toda a charla o doutor resaltou a importancia da atención temperá, xa que os primeiros minutos ante un caso de parada cardiorespiratoria son de vital importancia. Tamén informou os alumnos nos pasos a seguir ante un suceso deste tipo, como afrontalo e recalcou moitísimo a importancia de pedir axuda aos servizos especializados, tanto o 112, coma o 061.

A charla foi seguida con moitísima atención por todos os grupos de alumnos que asistiron a ela e realizaron as prácticas cos maniquís con grande interese.

Moitísimas gracias a Ramón Muñóz polo seu tempo e as súas explicacións tan claras didácticas, así coma a todas as entidades colaboradoras!!! 

 

 

Aparecemos en medios internacionais

Dende o colexio da Asunción queremos dar as gracias a María del Carmen Caldeiro Pedreira, polo  recoñecemento que fixo ao noso colexio.


María del Carmen Caldeiro menciona, no artigo "Critical literacy and media skill in learning emerging contexts", da revista on-line "Academic Publishing Platforms" o traballo feito no noso colexio no "Plan Lector", como exemplo de iniciativa para fomentar a lectura e os hábitos de traballo.


 

Grazas, María del Carmen!!! 

MATRÍCULA EXAMES EXTERNOS DE INGLÉS (TRINITY E CAMBRIDGE)

Do 14 de febreiro  ata o 21 de febreiro estará aberto o prazo para matricularse nos exames de Trinity ou Cambridge. Como sabedes, levamos once anos sendo centro examinador Trinity, e dende o pasado curso entramos a formar parte do National Schools Project e tamén somos centro preparador Cambridge, polo que tedes a posibilidade de elexir entre os dous. Por iso, deixamos aquí enlaces con información para que vos decidades polo que máis vos interese, e tamén dous enlaces de normativa para o exame Cambridge. En portería tedes toda a documentación necesaria, e os profesores de inglés están á vosa disposición para aclarar calquera cuestión que vos xurda. Non dubidedes en pasar polo centro e preguntar todo o que queirades.

Visita ao Progreso

Hoxe os alumnos de 5°e 6° de E.P viaxaron ata Lugo para visitar as instalacións do Progreso. Foi unha visita moi interesante na que aprenderon, entre outras cousas, como se edita un xornal.

 

 

"COMICLANDIA"

 

Exposición de maquetas

Estades todos convidados a ver a exposición de maquetas de monumentos de Sarria e autobuses, que temos no noso cole durante os tres próximos días. A continuación tendes o lugar e os horarios.

Achegádevos!!! 

 

 

Día do Bocata Solidario


Hoxe celebramos no colexio o "Día do Bocata Solidario", mirade como desfrutamos compartindo o momento da comida cos nosos compañeiros.

 

-

 

PARTIDO CAFÉS CANDELAS BREOGÁN

 

Onte pola tarde, sábado 4 de febreiro, un grupo de alumnos do noso cole, acompañados por varios dos seus profesores, desplazámonos a Lugo para presenciar o encontro entre o Cafés Candelas Breogán e o Força Lleida, que se disputou no Pazo Provincial dos Deportes de Lugo ás 20:00 h. 
 
Disfrutamos moito do partido aínda que se lles escapara nos últimos minutos.
Dende o colexio queremos agradecerlle ao Cafés Candelas Breogán que puidésemos levar a cabo esta actividade e desexámoslles moita sorte para os vindeiros encontros.
 
GRAZAS POR TODO BREO!!! 
 
Distribuir contido