CPR PLURILINGÜE NOSA SEÑORA DA ASUNCIÓN SARRIA Centro Católico Privado Concertado

Os alumnos de 6º celebran a semana do libro facendo uns libros desplegables en clase de plástica. Están expostos no corredor do primeiro piso para que os poidades ver.

Congrats, excellent job!

Os alumnos de 1º e 2º da ESO realizaron o pasado xoves día 7 de abril, a saída cultural que tiñan pendente do 2º trimestre.

Moi cedo pola mañá, desprazáronse ata o "Castro de Santa Tegra", na Guarda, onde, grazas as explicacións do seu profesor de Historia, puideron coñecer un pouco máis da vida castrexa e dende o alto do Monte de Santa Tegra viron a desembocadura do Miño, co que aproveitaron para falar un pouco de ríos, rías, e estuarios.

Xa pola tarde, logo de comer, acodimos a ver a Catedral de Tui, onde estuveron facendo un traballo de recoñecemento de distintos estilos arquitectónicos nesta Catedral.

E para rematar a xornada deron un pequeno paseo polas rúas da cidade antes de voltar para Sarria.

Podedes ver máis fotos desta visita premendo na imaxe que vos deixamos a continuación.

Os nosos alumnos viaxeiros seguen a desfrutar da maravillosa Praga, de día... e de noite!!!

Podedes ver máis fotos na nosa galería premendo na imaxe que vos deixamos a continuación.

Hoxe faremos a saída cultural que estaba programada para o segundo trimestre pero que non se puidera levar a cabo.

Os nosos alumnos alumnos continúan a desfrutar da primavera checa paseando polas rúas de Praga. 

Onte ademáis acodiron a ver ballet ao Teatro Nacional de Praga, edificio maxestuoso que poderedes ver nas fotos que vamos colgando na nosa galería.

Para acceder a esas e outras fotos desta viaxe non tendes máis que premer sobre a foto que vos deixamos a continuación e que demostra o ben que o están pasando.

Que o pasedes xenial!!!

O venres 29 de xaneiro celebramos no colexio o día escolar da non violencia e a paz poñendo "rumbo cara á paz" no barco da Asunción, no que levamos 50 anos navegando xuntos. Alumnos de ESO leron un manifesto pola paz e todos xuntos cantamos a canción "corazón de cremallera"

CANDEAS

Queridos amigos:

Comunicámosvos, que con motivo do "Día das Candeas", o vindeiro martes 2 de febreriro, ás 10:00h., teremos con vós e os vosos fillos unha oración na Parroquia do Rosario, na que vos convidamos a presentalos ao Señor, como fixeron María e Xosé co Neno Xesús no Templo de Xerusalén.

Podedes levar directamente aos vosos fillos á Igrexa.

Cada neno/a pode traer unha flor, como símbolo de vida.

Contamos coa vosa presenza e a dos irmáns máis pequenos.

Esta invitación tamén se fai extensible ás persoas que coñezades e que teñan nenos pequenos.

Un saúdo. 

O vindeiro martes, 2 de febreiro, os alumnos de EI celebrarán na Igrexa do Rosario, xunto coas súas familias, a festa das Candeas. 

Onte, os alumos de 5º de primaria participaron na actividade "Visita o teu súper", organizada polo supermercado Eroski. Foi unha xornada moi divertida onde os alumnos participaron activamente. Como agasallo final foron convidados a un almorzo moi saudable.

Moitas grazas a todos!! 

Hoxe, a escola de música tradicional "Tradescola" ofreceu na Casa da cultura un concerto didáctico ao que asistiron os alumnos de 5º e 6º de Educación Primaria xunto con alumnos doutros centros da localidade, e no que puideron aprender  moitas cousas sobre a música tradicional galega, os instrumentos máis típicos, distintos ritmos e melodías, e rematou cunha pequena actuación por parte dos mestres da tradescola coa colaboración dalgúns nenos.

Os alumnos de 3º e 4º da ESO realizaron unha saída Bio-Xeolóxica pola Serra do Courel. Para elo primeiro visitamos en Quiroga o Museo Xeolóxico e o Museo Etnográfico de dita localidade. Posteriormente nos diriximos cara a Serra do Courel para observar o gran pregamento xeolóxico de Campodola-Leixazós, así mesmo adentramonos na devesa da Rogueira, comentando tamén os efectos da última glaciación, e para finalizar baixamos a fervenza de Vieiros.

Unha bonita excursión da que poderedes ver máis fotos na nosa Galería Fotográfica nos vindeiros días.

O pasado venres, 20 de novembro, os alumnos de 1º e 2º de EP, viaxamos ata Neda (Ferrol), para visitar e pasar unha xornada do máis divertido na Granxa- Escola de Belelle. Fixemos pan artesán con produtos ecolóxicos da zona, estivemos no horto e no invernadoiro para preparar uns semilleiros, realizamos un paseo en poni, visitamos os diferentes tipos de animais (llamas, un dromedario, diferentes tipos de
pitas, pavos reais, porcos celtas, cabras montesas, ovellas, burros, coellos,
un touro ... ), visitamos os distintos espazos da granxa (pistas exteriores de equitación, pista de area para saltos, pista interior, cuadras dos cabalos,...). Foi unha experiencia inolvidable !!!! Algunha dúbida?? Pois pinchade no icono e poderedes ver un fermoso vídeo.

Grazas pola vosa dedicación Tania, Begoña e René. 

O vindeiro venres, 20 de novembro, os alumnos de 1º e 2º de EP, realizaremos a nosa saída cultural do primeiro trimestre, onde visitaremos a Granxa- Escola de "Belelle", en Neda, Ferrol.

Hoxe os alumnos de 1º e 2º ESO realizarán a saída cultural do 1º trimestre á Galiciencia.

Esperamos que aproveiten moitísimo esta visita. 

Hoxe celebramos no noso centro o "Día do Peón". Estades todos convidados!!!

Os alumnos de 5° e 6°foron de excursión o venres 23 de outubro á Ribeira Sacra.

Visitade o seu blogue si queredes ver o ben que o pasaron!!!

O pasado 18 de xuño celebramos a graduación dos alumnos de 4º da ESO.

Foi un acto moi emotivo no que todos recordamos moitos momentos do seu paso polo centro.

Agardamos que teñan moita sorte na nova etapa que comezan!

Para ver máis fotos deste acto podedes visitar o blogue de secundaria.